ന്യൂ മാഹി: മുഖ്യമന്ത്രിയുടെ കൊറോണ ദുരിതാശ്വാസ നിധിയിലേക്ക് പുന്നോൽ സർവീസ് സഹകരണ ബാങ്ക് പൊതുനന്മാ ഫണ്ടിൽ നിന്ന് പത്ത് ലക്ഷം രൂപ കൈമാറി.
ബാങ്ക് പ്രസിഡന്റ് കെ.അനിൽകുമാർ തലശ്ശേരി എ.എൻ.ഷംസീർ എം എൽ എയ്‌ക്കാണ് തലശ്ശേരി സബ് കളക്ടർ ആസിഫ് കെ. യൂസഫിന്റെ സാന്നിദ്ധ്യത്തിൽ ചെക്ക് കൈമാറിയത്.ബാങ്ക് സെക്രട്ടറി കെ.വി.സന്തോഷ് കുമാർ, അസി. സെക്രട്ടറി പി.അനിൽകുമാർ, മാനേജർ പി.സി. നിഷാന്ത് എന്നിവരും സന്നിഹിതരായിരുന്നു.

പുന്നോൽ ബാങ്ക് വക മുഖ്യമന്ത്രിയുടെ ദുരിതാശ്വാസ നിധിയിലേക്ക് പത്ത് ലക്ഷം രൂപയുടെ ചെക്ക് ബാങ്ക് പ്രസിഡന്റ് കെ.അനിൽകുമാർ എ.എൻ.ഷംസീർ എം എൽ .എ.യെ ഏൽപ്പിക്കുന്നു.