പാനൂർ : കൊവിഡ് 19 ബാധിച്ച് കണ്ണൂർ പാനൂർ സ്വദേശി സൗദി അറേബ്യയിലെ മദീനയിൽ മരിച്ചു. മീത്തലെ പൂക്കോം കാട്ടിമുക്കിലെ തെക്കേകുണ്ടിൽ സാറാസിൽ മമ്മുവിന്റെയും ഫൗസിയയുടെയും മകൻ ഷബ്‌നാസ് (28) ആണ് മരിച്ചത്. മദീനയിലെ സ്വകാര്യആശുപത്രിയിൽ ഇന്നലെ പുലർച്ചെ മൂന്നു മണിയോടെയാണ് മരിച്ചത്. രണ്ട് ദിവസം മുമ്പാണ് പനിബാധിച്ച് ഷബ്‌നാസിനെ ആശുപത്രിയിൽ പ്രവേശിപ്പിച്ചത്. ജനുവരി അഞ്ചിനായിരുന്നു ഷബ്‌നാസിന്റെ വിവാഹം. മാർച്ച് മൂന്നിന് തിരികെ പോയി. ഭാര്യ: ഷഹനാസ് (കരിയാട് പുനത്തിൽ മുക്ക്). സഹോദരങ്ങൾ: ഷബീർ, ശബാന.