കാസർകോട് : കാസർകോട് റെയിഞ്ചിലെ ബന്തടുക്ക സെക്ഷനിൽ മണ്ടക്കോൽ ബീറ്റിൽപ്പെട്ട ചാമക്കൊച്ചി വനമേഖലയിൽ റെയിഞ്ച് ഫോറസ്റ്റ് ഓഫീസറുടെ നേതൃത്യത്തിൽ വ്യാജ ചാരായ നിർമ്മാണം തടയുന്നതിനായുള്ള റെയിഡ് നടത്തി. ഊർജിതമായ അന്വേഷണത്തിൽ 500 ലിറ്ററോളം വ്യാജചാരായം നിർമ്മിക്കാൻ തയ്യാറാക്കിയ വാഷും അനുബന്ധ സാധനങ്ങങ്ങളും പിടികൂടി നശിപ്പിച്ചു.

കാസർകോട് റേഞ്ച് ഫോറസ്റ്റ് ഓഫീസർ എൻ.അനിൽ കുമാർ, ബീറ്റ് ഫോറസ്റ്റ് ഓഫീസർമാരായ ഉമ്മർ ഫാറൂഖ്, രമിത, അലീഷ , ഡ്രൈവർ രാഹുൽ, വാച്ചർമാരായ സുധീഷ്, ലൈജുഎന്നിവരും സംഘത്തിൽ ഉണ്ടായിരുന്നു. ഇനിയും ഊർജിതമായ രീതിയിൽ വ്യാജ ചാരായ നിർമ്മാണങ്ങൾ തടയുന്നതിനായി വിവിധ പ്രദേശങ്ങളിൽ അടുത്ത ദിവസങ്ങളിൽ റെയിഡ് ഉണ്ടാവുമെന്നും കുറ്റക്കാർക്കെതിരെ കർശന നിയമ നടപടികൾ ഉണ്ടാവുമെന്നും റേഞ്ച് ഫോറസ്റ്റ് ഓഫീസർ പറഞ്ഞു.