പേരാവൂർ: പേരാവൂർ എക്‌സൈസ് നടത്തിയ റെയ്ഡിൽ 25 ലിറ്റർ വാഷുമായി പേരാവൂർ തെരു സ്വദേശിയെ കസ്റ്റഡിയിലെടുത്തു. തെരു പോതിപ്പാറ സ്വദേശി പ്രകാശൻ (50) ആണ് പിടിയിലായത്. എക്‌സൈസിനു ലഭിച്ച രഹസ്യ വിവരത്തെ തുടർന്ന് നടത്തിയ റെയ്ഡിലാണ് ഇയാൾ പിടിയിലായത്. ഇയാളെ റിമാൻഡ് ചെയ്യുന്നതിനായി കൂത്തുപറമ്പ് ജുഡീഷ്യൽ ഫസ്റ്റ് ക്ലാസ് മജിസ്‌ട്രേറ്റിനു മുമ്പാകെ ഹാജരാക്കി. പ്രിവന്റീവ് ഓഫീസർ പി.സി.ഷാജിയുടെ നേതൃത്വത്തിൽ നടന്ന റെയ്ഡിൽ പ്രിവന്റീവ് ഓഫീസർ എൻ.പത്മരാജൻ, സിവിൽ എക്‌സൈസ് ഓഫീസർമാരായ സി.പി.ഷാജി, റിനീഷ് ഓർക്കാട്ടേരി, വനിത സിവിൽ എക്‌സൈസ് ഓഫീസർ കെ.കെ.അമൃത എന്നിവർ പങ്കെടുത്തു.