തൃക്കരിപ്പൂർ: ലോക്ക് ഡൗൺ സംബന്ധിച്ച് ഇളവുകൾ വരുന്നതോടെ സംസ്ഥാന സർക്കാർ ആഫീസുകൾ 21 മുതൽ നിയന്ത്രണ വിധേയമായി തുറക്കുകയാണെന്നിരിക്കെ അന്യജില്ലകളിൽ ജോലി ചെയ്യുന്ന സഹകരണ വകുപ്പിലെ ഫീൽഡ് ജീവനക്കാർക്ക് സ്വന്തം ജില്ലകളിൽ അവസരമുണ്ടാക്കണമെന്ന് കേരള സ്റ്റേറ്റ് കോ ഓപ്പറേറ്റീവ് ഇൻസ്പെക്ടേഴ്സ് ആന്റ് ആഡിറ്റേഴ്സ് അസോസിയേഷൻ ആവശ്യപ്പെട്ടു.

ജില്ലകളിലെ നിലവിലുള്ളതും ഉണ്ടാകാനിടയുള്ളതുമായ ഒഴിവുകളിലേക്ക് സർക്കാരിന്റെ സ്ഥലമാറ്റ മാനദണ്ഡപ്രകാരം മറ്റ് ജില്ലകളിൽ ജോലി ചെയ്യുന്നവർക്ക് സ്വന്തം ജില്ലകളിൽ നിയമനം നൽകണമെന്നാവശ്യപ്പെട്ട് അസോസിയേഷൻ സഹകരണ സംഘം രജിസ്ട്രാർക്ക് നിവേദനം നൽകിയതായി സംസ് സ്ഥാന പ്രസിഡൻറ് സി. സുനിൽ കുമാർ ,ജനറൽ സെക്രട്ടറി എം. രാജേഷ് കുമാർ ട്രഷറർ പി.കെ. ജയകൃഷ്ണൻ എന്നിവർ പ്രസ്താവനയിൽ പറഞ്ഞു.