rape

രാജപുരം: ശുചീകരണ തൊഴിലിനെത്തിയ ആദിവാസി യുവതിയെ പീഡിപ്പിച്ച കേസിൽ പൊലീസിന് പിടികൊടുക്കാതെ ഒളിവിൽ കഴിയുകയായിരുന്ന കോൺഗ്രസ് പ്രാദേശിക നേതാവ് അറസ്റ്റിലായി. കോൺഗ്രസ് മുൻ കോടോം-ബേളൂർ മണ്ഡലം ഭാരവാഹി ഒടയംചാൽ ആലടുക്കത്തെ ഒ.സി. ജോസ് എന്ന മരോട്ടികുഴിയിൽ ജോസഫിനെ (62) ഡിവൈ. എസ്.പി ഹരിചന്ദ്ര നായകിന്റെ നേതൃത്വത്തിലുള്ള സംഘമാണ് അറസ്റ്റ് ചെയ്തത്.

മാർച്ച്‌ 13 നാണ് കേസിനാസ്പദമായ സംഭവം നടന്നത്. ഒരു ബന്ധുവീട്ടിൽ ജോലിക്കെത്തിയ സമയം പീഡിപ്പിക്കുകയായിരുന്നു എന്നാണ് പരാതി. പൊലീസിൽ വിവരമറിയിച്ചതോടെ പ്രതി ഒളിവിൽ പോയി. അന്വേഷണത്തിനൊടുവിലാണ് പിടിയിലായത്. പ്രതിയെ പിടികൂടാൻ വൈകിയതോടെ കേസ് ഒത്തുതീർക്കാൻ ശ്രമം നടക്കുന്നു എന്നാരോപിച്ച് സി.പി.എമ്മും പോഷക സംഘടനകളും രംഗത്തുവന്നിരുന്നു.