കാസർകോട്: അഡൂർ ചാമകൊച്ചിയിലെ യുവതിക്ക് അംബുലൻസിൽ സുഖപ്രസവം. ബുധനാഴ്ച രാവിലെ കാനത്തൂരിൽ വച്ചാണ് നെരളകജെയിലെ ചന്ദ്രന്റെ ഭാര്യ സന്ധ്യാ കുമാരി പെൺകുഞ്ഞിന് ജന്മം നൽകിയത്. രാവിലെ പ്രസവവേദനയെ തുടർന്ന് ബന്തടുക്ക സേവാഭാരതി യുടെ ആംബുലൻസിനെ വിളിക്കുകയായിരുന്നു. കാനത്തൂരിൽ എത്തുമ്പേഴെക്കും പ്രസവം സംഭവിച്ചു. അമ്മയെയും കുഞ്ഞിനെയും ചെങ്കള നായനാർ ആശുപത്രിയിൽ പ്രവേശിപ്പിച്ചു.