കുറ്റ്യാടി: ഡോക്ടർമാരുടെ കുറിപ്പടിയിൽ മദ്യ വിതരണം ചെയ്യാനുള്ള സർക്കാർ നീക്കത്തിനെതിരെ കരിദിനം ആചരിച്ച ഡോക്ടർമാർക്ക് കേരള മദ്യനിരോധന സമിതി പ്രവർത്തകർ ഗാന്ധിജിയുടെ ചിത്രം നൽകി അനുമോദിച്ചു. കെ.ജി.എം.ഒ സംസ്ഥാന വ്യാപകമായി കരിദിനമാചരിച്ചതിന്റെ ഭാഗമായി കറുത്ത ബാഡ്ജ് ധരിച്ചെത്തിയ കുറ്ര്യാടി ഗവ.ആശുപത്രിയിലെ ഡോക്ടർമാർക്കാണ് മഹാത്മജിയുടെ ഛായാചിത്രം നൽകിയത്. ആർ.എം.ഒ ഡോ.പി.കെ.ഷാജഹാൻ ഗാന്ധിജിയുടെ ചിത്രം ഏറ്റുവാങ്ങി. ഡോ.നിർമ്മൽ രാജ്, ഡോ.ഫാറൂഖ്, ഡോ.അബ്ദുള്ള, കേരള മദ്യനിരോധന സമിതി സംസ്ഥാന ജോ.സെക്രട്ടറി സിദ്ധാർത്ഥ് നരി കൂട്ടുംചാൽ, എൻ.പി.നാരായണി ടീച്ചർ, ജിഷ്ണു സായ്, ഇ.വിഷ്ണു, ജെ.എസ്.വിശ്വജിത്ത്, കെ.എം.ബഷീർ, വി.പി.എൻ ചന്ദ്രൻ എന്നിവർ പങ്കെടുത്തു.