കൽപ്പറ്റ: കോവിഡ്-19 വൈറസ് വ്യാപനം തടയുന്നതിന് പ്രഖ്യാപിച്ച ലോക്ഡൗൺ/ നിരോധനാജ്ഞയുമായി ബന്ധപ്പെട്ട് പുറപ്പെടുവിച്ച നിർദ്ദേശങ്ങൾ ലംഘിച്ചതിന് ജില്ലയിൽ ഇന്നലെ വിവിധ പൊലീസ് സ്‌റ്റേഷനുകളിലായി 71 കേസുകൾ രജിസ്റ്റർ ചെയ്യുകയും 35 പേരെ അറസ്റ്റ് ചെയ്ത് ജാമ്യത്തിൽ വിടുകയും 57 വാഹനങ്ങൾ പിടിച്ചെടുക്കുകയും ചെയ്തു.

മീനങ്ങാടി സ്‌റ്റേഷനിൽ 20 കേസുകളും, പുൽപ്പള്ളി സ്‌റ്റേഷനിൽ 10 കേസുകളും, മേപ്പാടി സ്‌റ്റേഷനിൽ 9 കേസുകളും മാനന്തവാടി സ്‌റ്റേഷനിൽ 8 കേസുകളും പനമരം സ്‌റ്റേഷനിൽ 6 കേസുകളും ബത്തേരി സ്‌റ്റേഷനിൽ 4 കേസുകളും, അമ്പലവയൽ സ്‌റ്റേഷനിൽ 2 കേസുകളും, കൽപ്പറ്റ തിരുനെല്ലി സ്‌റ്റേഷനുകളിൽ 3 കേസുകൾ വീതവും പടിഞ്ഞാറത്തറ, വെള്ളമുണ്ട, തൊണ്ടർനാട് എന്നീ സ്‌റ്റേഷനുകളിൽ ഓരോ കേസുകൾ വീതവും രജിസ്റ്റർ ചെയ്തിട്ടുണ്ട്. ഇതോടെ കോവിഡ്-19 വൈറസ് വ്യാപനം തടയുന്നതിന്റെ ഭാഗമായി ജില്ലാ ഭരണകൂടത്തിന്റെ നിർദ്ദേശങ്ങൾ ലംഘിച്ചതിന് ജില്ലയിൽ ആകെ 627 കേസുകൾ രജിസ്റ്റർ ചെയ്യുകയും, 449 പേരെ അറസ്റ്റ് ചെയ്യുകയും 311 വാഹനങ്ങൾ പിടിച്ചെടുക്കുകയും ചെയ്തതായി​ ജില്ലാ പൊലീസ് മേധാവി അറിയിച്ചു.

നിർദ്ദേശങ്ങൾ ലംഘിക്കുന്നവർക്കെതിരെ വരും ദിവസങ്ങളിലും ശക്തമായ നിയമനടപടികൾ സ്വീകരിക്കുമെന്നും ഒരു കാരണവശലും നിയമലംഘനം അനുവദിക്കുകയില്ലയെന്നും നിർദ്ദേശങ്ങൾ വകവയ്കാതെ വാഹനങ്ങൾ നിരത്തിലിറക്കി​യാൽ വാഹനങ്ങൾ പിടിച്ചെടുക്കുമെന്നും ജില്ലാ പോലീസ് മേധാവി അറിയിച്ചു.