ബാലുശേരി: എക്സൈസ് റേഞ്ച് പാർട്ടിയും പൊലീസും സംയുക്തമായി നടുവണ്ണൂർ മന്ദങ്കാവ് ഭാഗങ്ങളിൽ നടത്തിയ റെയ്ഡിൽ 200 ലിറ്റർ വാഷ് കണ്ടെടുത്ത് നശിപ്പിച്ചു. രണ്ടു കേസ് രജിസ്റ്റർ ചെയ്തു. കഴിഞ്ഞ ദിവസം മന്ദങ്കാവിൽ നിന്നു 300 ലിറ്റർ വാഷ് പിടിച്ചെടുത്തിരുന്നു. റെയ്ഡിൽ പ്രിവന്റീവ് ഓഫീസർമാരായ സി.ശശി, വി.പ്രജിത്ത്,സിവിൽ എക്സൈസ് ഓഫീസർമാരായ ടി.നൈജീഷ്, ടി.ഷിജു, ഡബ്ലിയു.സി.ഇ.ഒ. സുജ, ഡ്രൈവർ പ്രജീഷ് എന്നിവർ പങ്കെടുത്തു. ഈ മേഖലയിൽ പട്രോളിംഗ് ശക്തിപ്പെടുത്തുമെന്ന് എക്സൈസ് ഇൻസ്പെക്ടർ മനോജ് പടിക്കത്ത് അറിയിച്ചു.