കൽപ്പറ്റ: വീട്ടുസാധനങ്ങൾ ഓൺലൈൻ ബുക്കിങ്ങ് വഴി വീട്ടിൽ എത്തിക്കുന്നു. കൊറോണ വ്യാപനത്തിന്റെ സാഹചര്യത്തിലാണ് നെക്റ്റർ ഗ്ലോബൽ ടെക്കിന് കീഴിൽ ഫുഡ് കെയർ വഴി ഈ സൗകര്യം സംവിധാനം ഏർപ്പെടുത്തിയത്. : foodcare.in എന്ന വെബ് അഡ്രസ് വഴി സാധനങ്ങൾ വീട്ടുകാർക്ക് ഓർഡർ ചെയ്യാം

പഴം, പച്ചക്കറി, പലചരക്ക് സാധനങ്ങൾ, ഭക്ഷ്യ വസ്തുക്കൾ എന്നിവയ്ക്ക് ഓ ലൈൻ വഴി ബുക്ക് ചെയ്യാം.

കാർഷികാനുബന്ധ മേഖലകളിൽ പ്രവർത്തിക്കുന്ന സംഘടനകളുടേയും സംരംഭകരുടെയും പ്രവർത്തകരാണ് സാധനങ്ങൾ വീട്ടിൽ എത്തിക്കുക.

കൊറോണ കാലത്ത് പ്രതിസന്ധിയിലായ കർഷകരെയും കാർഷിക അനുബന്ധ സംരംഭകരേയും സഹായിക്കാനാണ് പദ്ധതി ആവിഷ്‌കരിച്ചത്.

ജില്ലാ തലത്തിൽ പ്രവർത്തിക്കുന്ന കോ ഓഡിനേറ്റർമാരുടെ നേതൃത്വത്തിൽ ഓർഡർ ശേഖരിച്ച് വീട്ട് പടിക്കൽ സാധനം എത്തിക്കും. ഓർഡർ ചെയ്ത സാധനം എത്തുമ്പോൾ പണം നൽകിയാൽ മതി.
വി.എഫ്. പി.സി.കെ, ഹോർട്ടി കോർപ്പ്, സംസ്ഥാനത്തെ ഉത്പാദക കമ്പനികൾ, വിവിധ സർക്കാർ വകുപ്പുകൾ, സന്നദ്ധ പ്രവർത്തകർ എന്നിവരുടെ സഹകരണത്തോടെയാണ് ഇത് നടപ്പാക്കുന്നത്.

ഒരു മിനിറ്റിൽ രണ്ട് ലക്ഷം ഓർഡറുകൾ വരെ സ്വീകരിക്കാൻ ഫുഡ് കെയറിന് സാധിക്കും. സർക്കാർ നിശ്ച്ചയിച്ച വിലയിൽ തന്നെയായിരിക്കും വിൽപ്പന.

അയൽ സംസ്ഥാനങ്ങളിൽ നിന്ന് സംഭരിച്ച് എത്തിക്കാനും ഗ്രൂപ്പ് സജ്ജമാണന്ന് സി.ഇ.ഒ. ഇമ്മാനുവൽ മനോജ്, എം.ഡി കെ.രാജേഷ് എന്നിവർ പറഞ്ഞു.