കുറ്റ്യാടി: കിടപ്പ് രോഗികൾക്കുള്ള സംരക്ഷണ പെൻഷൻ എത്രയും പെട്ടെന്ന് വിതരണം ചെയ്യണമെന്ന് വേളം പഞ്ചായത്ത് മുസ്ലിംലീഗ് കമ്മിറ്റി ആവശ്യപ്പെട്ടു. മാസങ്ങളായി മുടങ്ങിക്കിടക്കുന്ന പെൻഷൻ വിതരണം ചെയ്യണമെന്നാവശ്യപ്പെട്ട് മുഖ്യമന്ത്രി, വകുപ്പ് മന്ത്രി, എം.എൽ.എ എന്നിവർക്ക് നിവേദനം നൽകാനും തീരുമാനിച്ചു.ആർ.ആർ.ടി. വളണ്ടിയർമാരെ സന്നദ്ധ പോർട്ടലിൽ റജിസ്റ്റർ ചെയ്യിക്കാനും വൈറ്റ്ഗാർഡിന് സഹായം നൽകാനും തീരുമാനിച്ചു. ഓൺലൈനിൽ ചേർന്ന യോഗത്തിൽ ആക്ടിംഗ് പ്രസിഡന്റ് ബഷീർ മാണിക്കോത്ത് അദ്ധ്യക്ഷത വഹിച്ചു. ജനറൽ സെക്രട്ടറി പി.കെ.ബഷീർ സ്വാഗതം പറഞ്ഞു. മുന്നൂൽ മമ്മു ഹാജി, വി.അമ്മത് മാസ്റ്റർ, ഗ്രാമപഞ്ചായത്ത് പ്രസിസന്റ് വി.കെ.അബ്ദുല്ല, ടി.കെ.മുഹമ്മദ് റിയാസ്, പറമ്പത്ത് മൊയ്തു മൗലവി, ഇ.വി.അബ്ദുറഹിമാൻ, ടി.കെ.അബ്ദുൽ കരീം, കോമത്ത് കണ്ടി അമ്മത്, കെ.ടി.ബഷീർ, വി.പി.അബ്ദുല്ല, മലയിൽ കാസിം, ടി.കെ.മഹമൂദ്, ടി.കെ.റഫീഖ്, എ.കെ.അജ്മൽ, കെ.കെ.മൊയ്തു മാസ്റ്റർ തുടങ്ങിയവർ പ്രസംഗിച്ചു.