കൽപ്പറ്റ: കൊവിഡ്-19 വൈറസ് വ്യാപനം തടയുന്നതിന്റെ ഭാഗമായി പുറപ്പെടുവിച്ച നിർദ്ദേശങ്ങൾ ലംഘിച്ചതിന് ജില്ലയിൽ ഇന്നലെ നടത്തിയ പരിശോധനയിൽ വിവിധ പൊലീസ് സ്‌റ്റേഷനുകളിലായി 62 കേസുകൾ രജിസ്റ്റർ ചെയ്യുകയും 26 പേരെ അറസ്റ്റ് ചെയ്ത് ജാമ്യത്തിൽ വിടുകയും 44 വാഹനങ്ങൾ പിടിച്ചെടുക്കുകയും ചെയ്തു.

ബത്തേരി (12), അമ്പലവയൽ (11) മീനങ്ങാടി (8), കമ്പളക്കാട് (5), കൽപ്പറ്റ, കേണിച്ചിറ, മാനന്തവാടി (4) മേപ്പാടി, വെള്ളമുണ്ട (3) പനമരം, പുൽപ്പള്ളി, തലപ്പുഴ (2) വൈത്തിരി, തൊണ്ടർനാട് (1) എന്നിങ്ങനെയാണ് കേസുകൾ രജിസ്റ്റർ ചെയ്തത്.

ജില്ലാ ഭരണകൂടത്തിന്റെ നിർദ്ദേശങ്ങൾ ലംഘിച്ചതിന് ജില്ലയിൽ ഇതുവരെ 1438 കേസുകൾ രജിസ്റ്റർ ചെയ്യുകയും, 802 പേരെ അറസ്റ്റ് ചെയ്യുകയും 871 വാഹനങ്ങൾ പിടിച്ചെടുക്കുകയും ചെയ്തിട്ടുണ്ടെന്ന് ജില്ലാ പൊലീസ് മേധാവി അറിയിച്ചു.
വിലക്കുകൾ ലംഘിക്കുന്നവർക്കെതിരെ കർശന നടപടികൾ തുടരുമെന്നും ജില്ലാ പൊലീസ് മേധാവി അറിയിച്ചു.