കൽപ്പറ്റ: കൊവിഡ്-19 വൈറസ് വ്യാപനം തടയുന്നതിന്റെ ഭാഗമായി പുറപ്പെടുവിച്ച നിർദ്ദേശങ്ങൾ ലംഘിച്ചതിന് ജില്ലയിൽ ഇന്നലെ വിവിധ പൊലീസ് സ്‌റ്റേഷനുകളിലായി 75 കേസുകൾ രജിസ്റ്റർ ചെയ്യുകയും 23 പേരെ അറസ്റ്റ് ചെയ്ത് ജാമ്യത്തിൽ വിടുകയും 39 വാഹനങ്ങൾ പിടിച്ചെടുക്കുകയും ചെയ്തു. പുൽപ്പള്ളി (15), മാനന്തവാടി (11), ബത്തേരി (9), മീനങ്ങാടി, കമ്പളക്കാട് (6) കൽപ്പറ്റ, അമ്പലവയൽ (5) മേപ്പാടി (4), കേണിച്ചിറ, വെള്ളമുണ്ട (3), തിരുനെല്ലി, തലപ്പുഴ (2), പടിഞ്ഞറത്തറ, പനമരം, വൈത്തിരി, തൊണ്ടർനാട് (1) കേസുകളാണ് രജിസ്റ്റർ ചെയ്തിട്ടുള്ളത്. ജില്ലാ ഭരണകൂടത്തിന്റെ നിർദ്ദേശങ്ങൾ ലംഘിച്ചതിന് ജില്ലയിൽ ഇതുവരെ 1444 കേസുകൾ രജിസ്റ്റർ ചെയ്യുകയും, 833 പേരെ അറസ്റ്റ് ചെയ്യുകയും 929 വാഹനങ്ങൾ പിടിച്ചെടുക്കുകയും ചെയ്തിട്ടുണ്ടെന്ന് ജില്ലാ പൊലീസ് മേധാവി അറിയിച്ചു.
വിലക്കുകൾ ലംഘിക്കുന്നവർക്കെതിരെ കർശനനിയമ നടപടികളുമായി മുന്നോട്ട് പോകുമെന്നും അദ്ദേഹം അറി​യി​ച്ചു.