കോഴിക്കോട്: ആർട്‌സ് ആൻഡ് സയൻസ് കോളേജുകളിൽ പുതിയ തസ്തികയ്ക്ക് 16 മണിക്കൂർ ജോലി നിജപ്പെടുത്തിയും വർഷങ്ങളായി നിലനിൽക്കുന്ന പി.ജി വെയ്‌റ്റേജ് എടുത്തുകളഞ്ഞും സർക്കാർ ഇറക്കിയ അദ്ധ്യാപകവിരുദ്ധ ഉത്തരവ് പിൻവലിക്കണമെന്ന് മുസ്‌ലിം യൂത്ത് ലീഗ് സംസ്ഥാന പ്രസിഡന്റ് സയ്യിദ് മുനവറലി ശിഹാബ് തങ്ങൾ, ജനറൽ സെക്രട്ടറി പി.കെ ഫിറോസ് എന്നിവർ ആവശ്യപ്പെട്ട.

കാലിക്കറ്റ് സർവകലാശാലയിൽ 116 തസ്തികകളിലേക്കുള്ള നിയമനത്തിന് ഇറക്കിയ വിജ്ഞാപനത്തിന് ഈ ഉത്തരവ് തിരിച്ചടിയാകും. സംസ്ഥാനത്തെ പല എയ്ഡഡ് കോളേജുകളിലും നിയമന റാങ്ക് ലിസ്റ്റായതിന് പിന്നാലെയാണ് സർക്കാർ ഇങ്ങനെയൊരു ഉത്തരവ് ഇറക്കിയത്. കരാർ നിയമനം പ്രോത്സാഹിപ്പിക്കുന്ന തീരുമാനം അംഗീകരിക്കാനാവില്ല.