വള്ളിക്കുന്ന് : സൗദിയിൽ കഴിഞ്ഞ മാസം മരിച്ച വള്ളിക്കുന്ന് സ്വദേശിയുടെ മൃതദേഹം ഇനിയും നാട്ടിലെത്തിക്കാനായില്ല. മാർച്ച് പത്തിന് സൗദിയിൽ ഹൃദയാഘാതം മൂലം മരിച്ച വള്ളിക്കുന്ന് സ്വദേശി പട്ടയിൽ കല്ലുവളപ്പിൽ അരവിന്ദന്റെ (61) മൃ​ത​ദേ​ഹം ഒ​രു​മാ​സ​മായി അൽഹസയിൽ കിംഗ് ഫഹദ് ആശുപത്രി​യി​ലാണ്. മൃതദേഹം നാട്ടിലെത്തിക്കാനുള്ള ശ്രമത്തിനിടയിലാണ് കൊവിഡ്-19ന്റെ പേരിൽ വിമാനസർവീസുകൾ നിറുത്തലാക്കിയത്. ഒരുമാസത്തിലേറെയായി മൃതദേഹം കാത്ത് കുടുംബം കണ്ണീരോടെ കഴിയുകയാണ് . വിമാനസർവീസ് എന്ന് പുനഃരാരംഭിക്കുമെന്ന് അറിയില്ല. നവോദയ സാംസ്‌കാരിക വേദി മുബാസ് ഏരിയയിലെ മഹാസി യൂണിറ്റംഗവും മുൻ സെക്രട്ടറിയുമായിരുന്നു അരവിന്ദൻ. അൽഹസയിൽ നിർമ്മാണ മേഖലയിൽ 30 വർഷമായി ജോലി ചെയ്യുകയായിരുന്നു . കഴിഞ്ഞ മൂന്നുവർഷത്തോളമായി കമ്പനി പൂട്ടിയതിനാൽ താമസരേഖകൾ പുതുക്കിയിരു​ന്നില്ല. ഭാര്യ :​ സു​മതി. മക്കൾ :​ അനുശ്രീ ,അശ്വിൻ . മൃതദേഹം നാട്ടിലെത്തിക്കാനുള്ള പ്രവർത്തനങ്ങൾക്ക് നവോദയ സാമൂഹിക ക്ഷേമ വിഭാഗം നേതൃത്വം നൽകി വരുന്നുണ്ട്. ഇക്കാര്യത്തിൽ വിദേശകാര്യസഹമന്ത്രി ഇടപെടണമെന്നാണ് കുടുംബത്തിന്റെ അഭ്യർത്ഥന..