രാമനാട്ടുകര: രാമനാട്ടുകര മാർക്കറ്റിലും വൈദ്യരങ്ങാടിയിലും ഭക്ഷ്യസുരക്ഷാ വിഭാഗവും ​രാമനാട്ടുകര ​നഗരസഭ ആരോഗ്യ വിഭാഗവും സംയുക്തമായി നടത്തിയ പരിശോധനയിൽ വൈദ്യരങ്ങാടി 11ാം മൈലിൽ വിൽപ്പന നടത്തുകയായിരുന്ന 20 കിലോ പഴകിയ മത്സ്യം പിടികൂടി നശിപ്പിച്ചു. രാമനാട്ടുകര നഗരസഭ​ ​പരിധിയിൽ പഴകിയ മത്സ്യവിൽപ്പന വ്യാപകമാകുന്നുണ്ടെന്ന പരാതിയെ തുടർന്ന് ചെയർമാൻ ​ വാഴയിൽ ബാലകൃഷ്ണ​ന്റെ ​​ നിർദ്ദേശപ്രകാരമാണ് പരിശോധന നടത്തിയത്. പരിശോധനയിൽ രാമനാട്ടുകര ​നഗരസഭ സീനിയർ ഹെൽത്ത് ഇൻസ്പെക്ടർ പി.പി.സുരേഷ്ബാബു, ഭക്ഷ്യ സുരക്ഷാ ഓഫീസർമാരായ ​ഡോ​.ജോസഫ് കുര്യാക്കോസ് , ​ഡോ.​വിഷ്ണു​ ​ഷാജി , സി.എ.വിമൽ, നഗരസഭ ജെ​ .എച്ച്.ഐമാരായ ഇ.രൂപേഷ്, അരുൺ വർഗീസ് എന്നിവർ ​ പങ്കെടുത്തു. പരിശോധന അടുത്ത ദിവസങ്ങളിലും തുടരുമെന്ന് അധികൃതർ അറിയിച്ചു.