മാനന്തവാടി: ലോക് ഡൗൺ കാലത്ത് വെറുതെയിരിക്കേണ്ടെന്ന് തീരുമാനി​ച്ച അവർ താമസി​പ്പി​ച്ച സ്കൂളി​നായി​ പൂന്തോട്ടവും പച്ചക്കറി​തോട്ടവും ഒരുക്കി​. മാനന്തവാടി യു.പി സ്‌കൂളിൽ താമസി​പ്പി​ച്ച അന്തേവാസികളാണ് സ്‌കൂളിലെ കുട്ടികൾക്കായി പച്ചക്കറിയും, പൂക്കളും ഒരുക്കുന്നത്. ഉത്തർപ്രദേശുകാരൻ വീരേന്ദ്രർ മോറയ, പഞ്ചാബ് സ്വദേശി രാം മിലാൻ തുടങ്ങിയവരുൾപ്പെടെ 26 പേരാണ് ഇവി​ടെയുള്ളത്.
പുനരധിവസിപ്പിച്ച സ്‌കൂളിലെ ക്ലാസ് മുറികളിൽ ചടഞ്ഞിരിക്കാതെ സ്വമേധയാ സ്‌കൂളിനായി പച്ചക്കറിത്തോട്ടമൊരുക്കാനും സ്‌കൂളിലെ പഴയ പൂന്തോട്ടം കൂടുതൽ മനോഹരമാക്കാനും ഇവർ സമയം കണ്ടെത്തി.

കേരളത്തി​ലെ കമ്യൂണിറ്റി കിച്ചൻ അത്ഭുതത്തോടെയാണ് കാണുന്നതെന്ന് പഞ്ചാബ് സ്വദേശി വീരേന്ദ്രർ മോറയ പറഞ്ഞു.
ഇവരോടൊപ്പം വേണു, അജി, തങ്കച്ചൻ, കാദർ, സനൽ എന്നിവരും രാവിലെ മുതൽ സജീവമായിരുന്നു.