കൽപ്പറ്റ: ലോക്ക് ഡൗൺ പശ്ചാത്തലത്തിൽ ജില്ലയിൽ ഇന്നലെ വാഹന പരിശോധനയിലും, നിർദ്ദേശങ്ങൾ ലംഘിച്ചതിനും വിവിധ പൊലീസ് സ്‌റ്റേഷനുകളിലായി 76 കേസുകൾ രജിസ്റ്റർ ചെയ്യുകയും 29 പേരെ അറസ്റ്റ് ചെയ്യുകയും 54 വാഹനങ്ങൾ പിടിച്ചെടുക്കുകയും ചെയ്തു. പനമരം (14), മീനങ്ങാടി (8), മേപ്പാടി, പുൽപ്പള്ളി, കേണിച്ചിറ, മാനന്തവാടി (6), കമ്പളക്കാട്, ബത്തേരി (5), തൊണ്ടർനാട് (4), വൈത്തിരി, പടിഞ്ഞാറത്തറ (3) കൽപ്പറ്റ, തലപ്പുഴ, വെള്ളമുണ്ട, തിരുനെല്ലി (2) അമ്പലവയൽ,നൂൽപ്പുഴ (1), എന്നിങ്ങനെയാണ് കേസുകൾ.

ജില്ലാ ഭരണകൂടത്തിന്റെ നിർദ്ദേശങ്ങൾ ലംഘിച്ചതിന് ജില്ലയിൽ ഇതുവരെ 2412 കേസുകൾ രജിസ്റ്റർ ചെയ്യുകയും 1085 പേരെ അറസ്റ്റ് ചെയ്യുകയും 1485 വാഹനങ്ങൾ പിടിച്ചെടുക്കുകയും ചെയ്തതായി ജില്ലാ പൊലീസ് മേധാവി ആർ.ഇളങ്കോ അറിയിച്ചു.