മാറാട്:കിടപ്പു രോഗിയുടെ വീടിന്റെ മേൽക്കൂര നന്നാക്കി മാതൃകയായി മാറാട് ജനമൈത്രീ പൊലീസ്. ആറു വർഷമായി നട്ടെല്ലിന് അസുഖം ബാധിച്ച് കിടപ്പിലായ മാറാട് കയ്യടിത്തോടുള്ള മലർകാവിൽ സതീശന്റെ വീട് വേനൽ മഴയിൽ ചോർന്നൊലിക്കാൻ തുടങ്ങിയതോടെയാണ് സന്നദ്ധ പ്രവർത്തകരുടെ സഹായത്താൽ നന്നാക്കിയത്. കിടപ്പിലായതിനാൽ വീടിന്റ ഒരു ഭാഗം കോൺക്രീറ്റ് ചെയ്യാൻ കഴിയാതെ ഷീറ്റിട്ടിരിക്കുകയായിരുന്നു. ദ്രവിച്ച ഷീറ്റ് മാറ്റി പുതിയത് കെട്ടിയാണ് താത്കാലിക ആശ്വാസം ഒരുക്കിയത്. ലോക്ക് ഡൗൺ കാലത്ത് ഭക്ഷണവും ഭക്ഷണ കിറ്റും പൊലീസ് നൽകിയിരുന്നു. ജനമൈത്രീ ബീറ്റ് ഓഫീസർ കെ.ധനേഷ് കുമാർ നേതൃത്വം നൽകി. സിവിൽ പൊലീസ് ഓഫീസർ ടി.രാജു , സന്നദ്ധ പ്രവർത്തകരായ പ്രവീൺ നങ്ങാനാടത്ത്, ഇ.ഷിംജിത്, പി.സുരേന്ദ്രൻ എന്നിവർ പങ്കെടുത്തു.