പൊൻകുന്നം: ഇന്നലെ പൊൻകുന്നം മേഖലയിൽ മണിക്കൂറുകൾ നീണ്ട വേനൽമഴ പെയ്തു. ഉച്ചകഴിഞ്ഞ് മൂന്നരമുതൽ ആറര വരെ നീണ്ടുനിന്നു. വേനൽച്ചൂടിൽ വലഞ്ഞിരുന്ന നാടിന് ആശ്വാസവും കൃഷിമേഖലയ്ക്ക് ഉണർവുമായി.
നാശനഷ്ടങ്ങളില്ല. പൊൻകുന്നം, ചിറക്കടവ്, തമ്പലക്കാട്, ചെറുവള്ളി, എലിക്കുളം, പനമറ്റം, ഇളങ്ങുളം, ഉരുളികുന്നം തുടങ്ങിയിടങ്ങളിലെല്ലാം മഴ ശക്തമായിരുന്നു.
കിണറുകളിൽ ജലനിരപ്പുയരാനും മണിക്കൂറുകൾ നീണ്ട മഴ ഇടയാക്കി.