കോട്ടയം: കർഷകരിൽ നിന്ന് പച്ചക്കറി സംഭരിച്ച് അംഗങ്ങൾക്കു വിതരണം ചെയ്‌ത് തിരുനക്കരക്കുന്ന് റസിഡന്റ്സ് അസോസിയേഷൻ മാതൃകയായി പാലാ എലിക്കുളത്തെ കർഷകനിൽ നിന്ന് 250 കിലോ പൈനാപ്പിൾ കഴിഞ്ഞ ദിവസം വാങ്ങി. ഇന്ന് രാവിലെ മുതൽ പച്ചക്കറിയും കണിക്കൊന്നപ്പൂവും മുൻ കൂട്ടി ആവശ്യപ്പെട്ടവരുടെ വീടുകളിൽ എത്തിച്ചു നൽകും. ഇത് കൂടാതെ വീടുകളിൽ പച്ചക്കറി കൃഷിയും അടുക്കളത്തോട്ടവും ആരംഭിക്കുന്നതിനും അസോസിയേഷൻ മുൻകൈ എടുക്കുന്നുണ്ട്. കൃഷി വകുപ്പിൽ നിന്നു വാങ്ങിയ പച്ചക്കറി തൈകൾ അംഗങ്ങളുടെ വീടുകളിൽ വിതരണം ചെയ്‌തു.

തിരുനക്കരയിലെ അജയ് സ്‌മൃതി ചാരിറ്റബിൾ ട്രസ്റ്റിന്റെ നേതൃത്വത്തിൽ രോഗികളായും ദുരിതത്തിലും കഴിയുന്ന മണിയാപറമ്പ്, തിരുവാതുക്കൽ, ചിങ്ങവനം, ചങ്ങനാശേരി, കാവാലം, പള്ളം എന്നിവിടങ്ങളിലെ കുടുംബങ്ങൾക്ക് അവശ്യ സാധനങ്ങൾ അടങ്ങിയ കിറ്റ് വിതരണം ചെയ്തു.