പാലാ : നഗരസഭ സമൂഹ അടുക്കളയുടെ പ്രവർത്തനം മാതൃകാപരമാണന്ന് തോമസ് ചാഴികാടൻ എം.പി പറഞ്ഞു. നിയോജകമണ്ഡലത്തിലെ വിവിധ സ്ഥലങ്ങൾ സന്ദർശിച്ച ശേഷം പാലാ നഗരസഭയിലെ സമൂഹഅടുക്കള സദർശിച്ച് വിലയിരുത്തുകയായിരുന്നു അദ്ദേഹം. സമൂഹ അടുക്കളയിൽ ഒരു മാസ ത്തിലധികമായി പ്രവൃത്തിച്ചു വരുന്ന സന്നദ്ധ പ്രവർത്തകരെയും കുടുംബശ്രീ പ്രവർത്തകരെയും ഉദ്യേഗസ്ഥരെയും അദ്ദേഹം അഭിനന്ദിച്ചു. മുഖ്യ പാചകക്കാരി പ്രേമ രാധാകൃഷ്ണൻ ആര്യപ്പാറയെ ഷാൾ അണിയിച്ച് ആദരിച്ചതിനു ശേഷം ഉച്ചയൂണ് വിളമ്പാനും പൊതികെട്ടാനും സഹകരിച്ചതിനു ശേഷമാണ് നഗരസഭ വിട്ടത്. ഒരു മാസത്തിലധികമായി ഏകദേശം നാനൂറോളം പേർക്കാണ് 3 നേരം സമൂഹഅടുക്കളയിൽ നിന്ന് ഭക്ഷണം നൽകി വരുന്നത്. ചെയർപേഴ്‌സൺ മേരി ഡോമിനിക്, കേരളാ കോൺഗ്രസ് നിയോജക മണ്ഡലം പ്രസിഡന്റ് ഫിലിപ്പ് കഴികുളം, കൗൺസിലർമാരായ ബിജി ജോജോ ,ലീനാസണ്ണി, ബിജു പാലൂപ്പടവിൽ, ജോർജുകുട്ടി ചെറുവളളി, സാവിയോ കാവുകാട്ട്, ലൂസി ജോസ്, വിജയൻ വടക്കനാട്ട് എന്നിവരും എം.പിയോടൊപ്പം ഉണ്ടായിരുന്നു.