പാലാ : പ്ലസ്ടു മുതൽ പി.ജി വരെയുള്ള വിദ്യാർത്ഥികൾക്ക് ഓൺലൈനിൽ സൗജന്യ ക്ലാസുകൾ എടുക്കാൻ തയ്യാറായി ജോസ്.കെ. മാണി എം.പിയുടെ ഭാര്യ നിഷ രംഗത്ത്. ഇന്നലെ നിഷ തന്നെയാണ് ഈ വിവരം സമൂഹ മാദ്ധ്യമങ്ങളിലൂടെ പങ്കുവച്ചത്. ഉന്നതവിദ്യാഭ്യാസ യോഗ്യതയുള്ള നിഷ മാനേജ്‌മെന്റ് വിദഗ്ദ്ധയുമാണ്. മാനേജ്‌മെന്റ് പഠന വിദ്യാർത്ഥികൾക്കാണ് മുൻഗണന. 'ലോക്ക് ഡൗൺ കാലത്ത് വീട്ടിലിരുന്നപ്പോഴാണ് ഇങ്ങനെയൊരു ചിന്ത ഉദിച്ചത്. അഭിപ്രായം ചോദിച്ചപ്പോൾ ജോയ്ക്കും (ജോസ്.കെ. മാണി ) നൂറുവട്ടം സമ്മതം. അങ്ങനെയാണ് ക്ലാസെടുക്കുന്ന വിവരം സമൂഹമാദ്ധ്യമങ്ങളിൽ പങ്കുവച്ചത് ' നിഷ '' പറഞ്ഞു. അറിയിപ്പ് കണ്ട ഉടൻ നൂറോളം വിദ്യാർത്ഥികൾ ക്ലാസിൽ ചേരാനുള്ള സന്നദ്ധത അറിയിച്ചിട്ടുണ്ട്. സൂം ആപ്ലിക്കേഷൻ വഴിയാണ് ക്ലാസുകൾ.

മേയിൽ ആരംഭിക്കുന്ന ക്ലാസുകൾ സെപ്തംബറിൽ അവസാനിക്കും. പങ്കെടുക്കാനാഗ്രഹിക്കുന്നവർ 27 ന് മുമ്പായി 9895698364 വാട്‌സ് ആപ്പ് നമ്പറിൽ പേര് രജിസ്റ്റർ ചെയ്യണം. പ്ലസ് ടു കൊമേഴ്‌സ്, ബി.കോം, ബി.ബി.എം, എം.ബി.എ. വിദ്യാർത്ഥികൾക്കാണ് മുൻഗണന.