കോട്ടയം: പൊതുസമ്പർക്കമില്ലാതെ കഴിയാൻ വീടുകളിൽ സൗകര്യമില്ലാത്ത 25 ലോഡിംഗ് തൊഴിലാളികളെ ഇന്ന് കൊവിഡ് കെയർ സെന്ററുകളിലേക്ക് മാറ്റും. കോട്ടയം മാർക്കറ്റിലെ ലോഡിംഗ് തൊഴിലാളിക്ക് കൊവിഡ് 19 സ്ഥിരീകരിച്ചതിനെത്തുടർന്ന് ഇയാളുമായി സമ്പർക്കം പുലർത്തിയവർക്ക് ആരോഗ്യ വകുപ്പ് ഹോം ക്വാറന്റയിൻ നിർദേശിച്ചു. തൊഴിലാളി യൂണിയനുകളുടെയും വ്യാപാരികളുടെയും സഹകരണത്തോടെ സമ്പർക്കപ്പട്ടികയിലെ പരമാവധി ആളുകളെ കണ്ടെത്തുന്നതിനുള്ള ശ്രമം തുടരുകയാണ്. ഇന്നലെ 19 പേരുടെ സാമ്പിളുകൾ ശേഖരിച്ചു. രോഗം സ്ഥിരീകരിച്ച പനച്ചിക്കാട് സ്വദേശിയുമായി നേരിട്ട് സമ്പർക്കം പുലർത്തിയ ഏഴു പേരുടെ സാമ്പിളുകളും ശേഖരിച്ചിട്ടുണ്ട്.