പാലാ:കൊവിഡ് പ്രതിരോധ പ്രവർത്തനങ്ങളിൽ അരോഗ്യ മേഖലയുടെ പ്രവർത്തനങ്ങൾ മാതൃകാപരമാണെന്ന് മുൻ എം.പി വക്കച്ചൻ മറ്റത്തിൽ അഭിപ്രായപ്പെട്ടു.
കേരളാ കോൺഗ്രസ് (എം) നേതൃത്വത്തിൽ ജില്ലയിലെ ഗവ.ആശുപത്രികൾക്ക് കൊവിഡ് പ്രതിരോധ സാമഗ്രികൾ നൽകുന്നതിന്റെ ഭാഗമായി പാലാ നിയോജകമണ്ഡലം കമ്മറ്റിയുടെ ആഭിമുഖ്യത്തിൽ നിയോജകമണ്ഡലതല വിതരണം പാലാ ഗവ. ആശുപത്രിയിൽ നിർവഹിച്ച് സംസാരിക്കുകയായിരുന്നു അദ്ദേഹം. കേരളാ കോൺഗ്രസ് (എം) ജില്ലാ പ്രസിഡന്റ് സജി മഞ്ഞക്കടമ്പിൽ, പാലാ നിയോജക മണ്ഡലം പ്രസിഡന്റ് ജോർജ് പുളിങ്കാട്,പാർട്ടി നേതാക്കളായ തോമസ് ഉഴുന്നാലിൽ, ജോസ് പാറേക്കാട്ട്, റിജോ ഒരപ്പുഴക്കൽ, ഔസേപ്പച്ചൻ മഞ്ഞക്കുന്നേൽ തുടങ്ങിയവർ ചടങ്ങിൽ പങ്കെടുത്തു.