കുവൈറ്റ് സിറ്റി: കുവൈറ്റിൽ കൊവിഡ് -19 രോഗബാധിതരുടെ എണ്ണത്തിൽ വൻവർദ്ധന. ഇന്നലെ ഒറ്റദിവസം കൊണ്ട് 45 ഇന്ത്യാക്കാ‌ർക്ക് ഉൾപ്പടെ 75 പേർക്ക് രോഗം സ്ഥിരീകരിച്ചു. രോഗികളു​ടെ എണ്ണത്തിൽ ഒരുദിവസം ഇത്രയധികം വർദ്ധനവുണ്ടാവുന്നത്​ ആദ്യമായാണ്​. ഇതോടെ ആകെ രോഗികളുടെ എണ്ണം 417 ആയി. പുതിയ ​രോഗബാധിതരിൽ 26 ഇന്ത്യക്കാർ നേരത്തെ വൈറസ്​ സ്ഥിരീകരിച്ചവരുമായി സമ്പർക്കം പുലർത്തിയവരാണ്​. അതേസമയം, 16 ഇന്ത്യക്കാർ, രണ്ട്​ കുവൈറ്റ് സ്വദേശികൾ, ഏഴ്​ ബംഗ്ലാദേശികൾ, അഞ്ച്​ ഈജിപ്​തുകാർ, ഒരു ഫിലിപ്പീൻസ്​ പൗരൻ, ഒരു നേപ്പാൾ പൗരൻ എന്നിവർക്ക്​ രോഗം വന്നതെങ്ങനെയെന്ന് കണ്ടെത്തിയിട്ടില്ല.