ന്യൂ​ഡ​ൽ​ഹി: കൊവിഡ് 19 രോഗത്തെ പ്ര​തി​രോ​ധി​ക്കുന്നതിന്റെ ഭാഗമായി ദീ​പം തെ​ളി​യി​ക്ക​ണ​മെ​ന്ന പ്ര​ധാ​ന​മ​ന്ത്രി ന​രേ​ന്ദ്ര മോ​ദി​യു​ടെ അഭ്യർത്ഥ​ന​യ്ക്കെതിരെ പ​രി​ഹാസവുമായി ശി​വ​സേ​ന എം.​പി സ​ഞ്ജ​യ് റാവത്ത്. മുൻപ് കൈ​യ​ടി​ക്കാ​ൻ ആ​ളു​ക​ളോ​ട് ആ​വ​ശ്യ​പ്പെ​ട്ട​പ്പോ​ൾ, അ​വ​ർ റോ​ഡു​ക​ളി​ൽ തി​ങ്ങി​നി​റ​ഞ്ഞ് ചെണ്ട ​കൊട്ടിയെന്നും ഇ​പ്പോ​ൾ അ​വ​ർ സ്വ​ന്തം വീ​ടു​ക​ൾ ക​ത്തി​ക്കി​ല്ലെ​ന്ന് താ​ൻ പ്ര​തീ​ക്ഷി​ക്കു​ക​യാ​ണെന്നുമാണ് അദ്ദേഹത്തിന്റെ പരിഹാസരൂപേണയുള്ള പരാമർശം.

ട്വി​റ്റ​റി​ലൂടെയായിരുന്നു അദ്ദേഹം ഇക്കാര്യം പറഞ്ഞത്. 'സർ, ഞ​ങ്ങ​ൾ ദീ​പം തെ​ളി​ക്കാം, പ​ക്ഷേ നി​ല​വി​ലെ സാ​ഹ​ച​ര്യ​ങ്ങ​ളെ അ​ഭി​വൃ​ദ്ധി​പ്പെ​ടു​ത്തുന്നതിനായി സ​ർ​ക്കാർ എ​ന്താ​ണ് ചെ​യ്യു​ന്ന​ത് എ​ന്നു​കൂ​ടി ദ​യ​വാ​യി ഞ​ങ്ങ​ളോ​ട് പ​റ​യ​ണം.' റാവത്ത് ട്വീ​റ്റ് ചെ​യ്തു.

കൊവിഡിനെതിരായ പോരാട്ടത്തിൽ രാജ്യത്തിന്റെ സംഘടിതമായ ഇച്ഛാശക്തി പ്രകടിപ്പിക്കാൻ ഞായറാഴ്ച​ രാത്രി 9 മണിക്ക് ഒൻപത് മിനിറ്റ് വീടുകളിൽ ദീപം തെളിയിക്കാൻ പ്രധാനമന്ത്രി നരേന്ദ്ര മോദി ജനങ്ങളോട് ആഹ്വാനം ചെയ്‌തിരുന്നു. ഇന്ന് ഒരു വീഡിയോ സന്ദേശത്തിലാണ് ജനങ്ങളെ മാനസികമായി ഉത്തേജിപ്പിക്കുക എന്ന ലക്ഷ്യത്തോടെയുള്ള മോദിയുടെ ആഹ്വാനം വന്നത്.