ന്യൂ​ഡ​ൽ​ഹി: കൊവിഡ് രോഗ പ്രതിരോധത്തിന്റെ ഭാഗമായി പ്രധാനമന്ത്രിയുടെ നിർദേശ പ്രകാശം തെ​ളിയി​ക്കു​ന്ന​വ​ർ സാ​നി​റ്റൈ​സ​ർ ഉ​പ​യോ​ഗി​ക്കു​ന്ന​ത് ഒ​ഴി​വാ​ക്ക​ണ​മെ​ന്ന് കേ​ന്ദ്ര​സ​ർ​ക്കാ​ർ. സർക്കാരിന്റെ കീഴിലുള്ള ഔ​ദ്യോ​ഗി​ക പ്ര​ക്ഷേ​പ​ണ ഏ​ജ​ൻ​സി​യാ​യ പ്ര​സാ​ർ ഭാ​ര​തി​യാ​ണ് ഇത് സംബന്ധിച്ചുള്ള മു​ന്ന​റി​യി​പ്പ് ജനങ്ങൾക്ക് ന​ൽ​കി​യി​രി​ക്കു​ന്ന​ത്. പ്ര​ധാ​ന​മ​ന്ത്രി​യു​ടെ ആ​ഹ്വാ​ന പ്രകാരം ഞാ​യ​റാ​ഴ്ച രാ​ത്രി​യി​ൽ ദീ​പം തെ​ളി​ക്കു​ന്ന​വ​ർ സൈ​നി​റ്റൈ​സ​ർ ഉ​പ​യോ​ഗി​ച്ച​തി​നു ശേ​ഷം വി​ള​ക്ക് ക​ത്തി​ക്ക​രു​തെ​ന്നാ​ണ് മു​ന്ന​റി​യിപ്പിൽ പ്രസാർ ഭാരതി പറയുന്നത്.

അ​ൽ​ക്ക​ഹോ​ൾ ഉൾച്ചേർന്നിട്ടുള്ള സാനിറ്റൈസർ തീ പടരാൻ കാരണമാകും എന്നതിനാലാണ് ഈ മുന്നറിയിപ്പ് നൽകിയിരിക്കുന്നത്. ലോക്ക് ഡൗണിൽ കുടുങ്ങിയ ഇന്ത്യൻ ജനതയ്ക്ക് ആത്മവിശ്വാസം പകരാൻ ഞായറാഴ്ച രാത്രി 9 മണിക്ക് രാജ്യമെമ്പാടും വീടുകളിൽ ഒൻപത് മിനിറ്റ് ദീപങ്ങൾ തെളിക്കാൻ പ്രധാനമന്ത്രി നരേന്ദ്ര മോദി ആഹ്വാനം ചെയ്‌തിരുന്നു. ഒരു വീഡിയോ സന്ദേശത്തിലാണ് ജനങ്ങളെ മാനസികമായി ഉത്തേജിപ്പിക്കുക എന്ന ലക്ഷ്യത്തോടെയുള്ള മോദിയുടെ ആഹ്വാനം.

രാത്രി 9മണിക്ക് എല്ലാവരും വീടുകളിലെ വെളിച്ചം അണയ്‌ക്കണം. വാതിലിന് മുന്നിലോ ബാൽക്കണിയിലോ നിന്ന് ചെരാതുകൾ, മെഴുകുതിരി, ടോർച്ച്, മൊബൈൽ ഫോൺ ലൈറ്റ് തുടങ്ങിയവ 9 മിനിട്ട് പ്രകാശിപ്പിക്കുക. ആ വെളിച്ചത്തിൽ 130 കോടി ഇന്ത്യക്കാർ നിശ്‌ചദാർഢ്യത്താൽ ബന്ധിതമാകുന്നു. ദീപം കൊളുത്താൻ ആരും കൂട്ടം കൂടരുത്. റോഡിലും തെരുവിലും ഇറങ്ങരുത്. സമൂഹ അകലം എന്ന ലക്ഷ്‌മണ രേഖ കടക്കരുത്. കൊറോണയെ ചെറുക്കാനുള്ള ഏറ്റവുംവലിയ വഴിയാണ് സമൂഹ അകലം പാലിക്കൽ. പ്രധാനമന്ത്രി നരേന്ദ്ര മോദി പറഞ്ഞിരുന്നു.