മുംബയ്: രാജ്യത്തെ പിടിച്ചുകുലുക്കുന്ന മഹാമാരിയായ കൊവിഡ് 19നെതിരെ പോരാടുന്ന ഡോക്ടർമാർക്കും നഴ്‌സുമാർക്കും താമസസൗകര്യമൊരുക്കി ടാറ്റ ഗ്രൂപ്പ്. രോഗത്തിനെതിരെ പോരാടുന്ന ആരോഗ്യപ്രവർത്തകർക്ക് ആദരവ് അർപ്പിക്കണമെന്നുള്ള പ്രധാനമന്ത്രി ആഹ്വാനം ചെയ്തിരുന്നു. ഇതിനു പിന്നാലെയാണ് ടാറ്റ ഗ്രൂപ്പിന്റെ ഇന്ത്യൻ ഹോട്ടൽസ് കമ്പനി ലിമിറ്റഡ് തങ്ങൾക്ക് കീഴിൽ പ്രവർത്തിക്കുന്ന ഹോട്ടലുകൾ ഡോക്ടർമാർക്കും നഴ്സുമാർക്കുമായി തുറന്നു നൽകിയിരിക്കുന്നത്. മുംബയിൽ ഉൾപ്പെടെയുള്ള മഹാരാഷ്ട്രയിൽ പ്രവർത്തിക്കുന്ന താജ് ഹോട്ടലുകൾ, ഉത്തർ പ്രദേശിലും ഗോവയിലും പ്രവർത്തിക്കുന്ന ആഡംബര ഹോട്ടലുകൾ എന്നിവയാണ് ഇവർക്കായി ടാറ്റ ഗ്രൂപ്പ് തുറന്നു നൽകുന്നത്.

The Tata Group is providing accommodation at the Taj Hotel, Colaba and Taj Lands End, Bandra for Doctors and Nurses working in BMC Hospitals amidst Corona Virus Crisis.
Thank you so much Hon. Ratan Tata (@RNTata2000) Ji Tata Group (@TataCompanies) for your generous contributions. pic.twitter.com/2Os08k5k1Y

— Supriya Sule (@supriya_sule) April 3, 2020

ഹോട്ടലുകളിൽ താമസിക്കാൻ വരുന്ന ആരോഗ്യ പ്രവർത്തകരെ പ്രത്യേകം അഭിനന്ദിച്ചുകൊണ്ടുള്ള കുറിപ്പുകളും ഹോട്ടലുകളിൽ പതിച്ചിട്ടുണ്ട്. ഡോക്ടർമാരും നഴ്‌സുമാരും ടാറ്റയുടെ കീഴിലുള്ള ഈ ഹോട്ടലുകളിൽ തങ്ങുന്നതിന്റെ ചിത്രങ്ങൾ ഇതിനോടകം സോഷ്യൽ മീഡിയിൽ വൈറലായിട്ടുണ്ട്. എൻ.സി.പി തലതൊട്ടപ്പൻ ശരദ് യാദവിന്റെ മകളും എൻ.സി.പി എം.പിയുമായ സുപ്രിയ സുലെ ഉൾപ്പെടെ നിരവധി പേർ ഈ ചിത്രങ്ങൾ പങ്കുവച്ചിട്ടുണ്ട്. കൊവിഡ് 19നെതിരെയുള്ള പ്രതിരോധ പ്രവർത്തനത്തിനായി ടാറ്റ ഗ്രൂപ്പ് ഇതിനോടകം 1500 കോടി രൂപയാണ് സംഭാവനയായി രാജ്യത്തിന് നൽകിയത്.