ഇടുക്കി: തന്നെ സ്വന്തം അച്ഛൻ ലൈംഗികമായി പീഡിപ്പിക്കുന്ന വിവരം പുറത്തുപറഞ്ഞ പ്രായപൂർത്തിയാകാത്ത പെൺകുട്ടിയെ ക്രൂരമായി മർദ്ദിച്ച് അമ്മയും സഹോദരനും. ഇടുക്കി പീരുമേട്ടിലെ ഹൈറേഞ്ച് പൊലീസ് സ്റ്റേഷൻ അതിർത്തിയിലാണ് സംഭവം നടന്നത്. അച്ഛൻ തന്നെ നിരവധി തവണ ലൈംഗികമായി ഉപദ്രവിച്ച വിവരം പെൺകുട്ടി ആദ്യം തന്റെ അമ്മയെയാണ് അറിയിച്ചത്. എന്നാൽ മകൾ പറഞ്ഞത് കേട്ട അമ്മ അവളെ മർദ്ദിച്ചുകൊണ്ടാണ് പ്രതികരിച്ചത്. ശേഷം ഇവർ പെൺകുട്ടിയുടെ സഹോദരനെ ഇക്കാര്യം അറിയിച്ചു. തന്റെ അനുജത്തി നേരിട്ട ക്രൂരപീഡനത്തെകുറിച്ചറിഞ്ഞ ഇയാളും അവളെ മൃഗീയമായി മർദ്ദിക്കുകയാണ് ഉണ്ടായത്. ഏതായാലും സംഭവത്തിൽ പൊലീസ് അച്ഛനെയും സഹോദരനെയും അമ്മയെയും അറസ്റ്റ് ചെയ്തിട്ടുണ്ട്. രഹസ്യവിവരം ലഭിച്ചതിനെ തുടർന്ന് പൊലീസ് നടത്തിയ അന്വേഷണത്തുനോടുവിലാണ് ഇവർ പിടിയിലാകുന്നത്.