കാസർകോട്: ലോക്ക് ഡൗൺ നിർദേശം ലംഘിച്ചതിന് ജില്ലയിൽ 34 കേസുകൾകൂടി രജിസ്റ്റർ ചെയ്തു. മഞ്ചേശ്വരം 3, കുമ്പള 2, കാസർകോട് 3, വിദ്യാനഗർ 2,ബദിയടുക്ക 2, ആദൂർ 3, ബേഡകം 3 മേൽപ്പറമ്പ 1, ചന്തേര 3, അമ്പലത്തറ 2, ചീമേനി 1, ഹോസ്ദുർഗ് 1, വെള്ളരിക്കുണ്ട് 1, നീലേശ്വരം 2, ചിറ്റാരിക്കാൽ 1, രാജപുരം 1, ബേക്കൽ 3 എന്നീ സ്റ്റേഷനുകളിലാണ് കേസുകൾ രജിസ്റ്റർ ചെയ്തത്. വിവിധ കേസുകളിലായി 59 പേരെ അറസ്റ്റ് ചെയ്തു. 23 വാഹനങ്ങൾ കസ്റ്റഡിയിൽ എടുത്തു. ഇതുവരെ ജില്ലയിൽ വിവിധ സ്റ്റേഷനുകളിലായി 327 കേസുകൾ രജിസ്റ്റർ ചെയ്തു. വിവിധ കേസുകളിലായി 476 പേരെ അറസ്റ്റ് ചെയ്തു. 218 വാഹനങ്ങൾ കസ്റ്റഡിയിൽ എടുത്തു.