ന്യൂയോർക്ക്: കൊവിഡ്​ വൈറസ്​ വ്യാപനം ശക്​തമായി തുടരുന്ന അമേരിക്കയിൽ മൃഗങ്ങൾക്കും രക്ഷയില്ല. ന്യൂയോർക്കിലെ ബ്രോൻക്സ് മൃഗശാലയിൽ പാർപ്പിച്ചിരിക്കുന്ന കടുവയിൽ കൊവിഡ്​ വൈറസ് സ്ഥിരീകരിച്ചു. നാലു വയസുള്ള പെൺ കടുവയാണ്​. പേര് നാദിയ. മൃഗശാലയിലെ മറ്റ് മൂന്ന് കടുവകളിലും മൂന്ന് ആഫ്രിക്കൻ പുലികളിലും രോഗലക്ഷണമുണ്ട്.

രോഗപ്പകർച്ച തടയാൻ മാർച്ച് 16ന്​ മൃഗശാല അടച്ചതാണ്. കടുവയിലേക്ക് രോഗം പകർന്നത്​ ജീവനക്കാരിൽ നിന്നാകാമെന്നാണ് നിഗമനം. നേരത്തെ ചൈനയിലെയും ബെൽജിയത്തിലെയും വളർത്ത് പൂച്ചകളിലും, ഹോങ്കോംഗിലെ വളർത്തു നായ്​ക്കളിലും കൊവിഡ്​ സ്ഥിരീകരിച്ചിരുന്നു. എന്നാൽ, വന്യ മൃഗത്തിൽ രോഗം സ്​ഥിരീകരിക്കുന്നത് ആദ്യമാണ്​.