അഹമ്മദാബാദ്: ഗുജറാത്തിലെ ജാംനഗറിൽ 14 മാസം പ്രായമായ കുഞ്ഞ് കൊവിഡ് ബാധിച്ച് മരിച്ചു. ജാംനഗർ സർക്കാർ ആശുപത്രിയിൽ ചികിത്സയിലായിരുന്ന കുഞ്ഞ് ചൊവ്വാഴ്ച രാത്രിയാണ് മരിച്ചത്. ഏപ്രിൽ അഞ്ചിനാണ് കുട്ടിക്ക് കൊവിഡ് സഥിരീകരിച്ചത്. ആശുപത്രിയില്‍ എത്തിക്കുമ്പോള്‍ തന്നെ അതീവ ഗുരുതരാവസ്ഥയിലായിരുന്നതിനെ തുടർന്ന് വെന്റിലേറ്ററില്‍ പ്രവേശിപ്പിക്കുകയായിരുന്നു.
കുട്ടിയുടെ അവയവങ്ങളുടെ പ്രവര്‍ത്തനം നിലച്ചതോടെയാണ് മരണം സംഭവിച്ചതെന്നാണ് റിപ്പോര്‍ട്ട്. ഉത്തർപ്രദേശിൽ നിന്നുള്ള കുടിയേറ്റ തൊഴിലാളികളുടെ മകനാണ് മരിച്ചത്. കുട്ടിക്ക് രോഗം വന്നതെങ്ങനെ എന്ന് വ്യക്തമായിട്ടില്ല. ഇതോടെ ഗുജറാത്തിൽ 16 പേരാണ് കൊവിഡ് ബാധിച്ച് മരിച്ചത്.