ന്യൂയോർക്ക്​: കൊവിഡ്​ - 19 ബാധിച്ച്​ ചികിത്സയിലായിരുന്ന ഇന്ത്യൻ - അമേരിക്കൻ മാദ്ധ്യമ പ്രവർത്തകൻ​ ന്യൂയോർക്കിൽ മരിച്ചു. ഇന്ത്യൻ വാർത്താ ഏജൻസിയായ യുണൈറ്റഡ്​ ന്യൂസ്​ ഒഫ്​ ഇന്ത്യയ്ക്ക്​ ഉൾപ്പെടെ നിരവധി മാദ്ധ്യമങ്ങൾക്ക്​ വേണ്ടി പ്രവർത്തിച്ചിരുന്ന ബ്രഹ്മ്​ കാഞ്ചിഭോട്​ല (65) ആണ് ന്യൂയോർക്കിലെ ആശുപത്രിയിൽ ചികിത്സയിലിരിക്കെ മരിച്ചത്.

മാർച്ച്​ 23 മുതൽ ഇദ്ദേഹത്തിന്​ ​കൊവിഡ്​ ലക്ഷണങ്ങൾ ഉണ്ടായിരുന്നു. അഞ്ചു ദിവസത്തിനുള്ളിൽ രോഗം വഷളാവുകയും ആശുപത്രിയിൽ പ്രവേശിപ്പിക്കുകയുമായിരുന്നു. ഒമ്പതു ദിവസത്തെ ആശുപത്രി വാസത്തിനൊടുവിൽ തിങ്കളാഴ്​ച അർദ്ധരാത്രിയോടൊണ് മരിച്ചത്. 28 വർഷമായി അമേരിക്കയിൽ സ്ഥിരതമാസമാണ് കാഞ്ചിഭോട്ല. 2001 മുതൽ 2006 വരെ യുനൈറ്റഡ്​ ന്യൂസ്​ ഒഫ്​ ഇന്ത്യയുടെ സീനിയർ കറസ്​പോണ്ടന്റ് ആയിരുന്നു. 2007മുതൽ മെർജർ മാർക്കറ്റ്​സ്​ എന്ന സാമ്പത്തികകാര്യ ജേർണലി​ന്റെ കണ്ടന്റ് എഡിറ്റർ. അമേരിക്കയിലെ ന്യൂജേഴ്​സിയിലും ന്യൂയോർക്കിലും വൈറസ് ബാധ കണ്ടെത്തിയ നിരവധി ഇന്ത്യൻ വംശജർ​ ചികിത്സയിലാണ്​.