കൊൽക്കത്ത : ലോക്ക്ഡൗൺ തുടരുന്ന സാഹചര്യത്തിൽ മ​ദ്യത്തിന് ഹോം ​ഡെ​ലി​വ​റി സംവിധാനം ഏർപ്പെടുത്താൻ പശ്ചിമബംഗാൾ സർക്കാർ തീരുമാനിച്ചതായി റിപ്പോർട്ട്. എ​ക്സൈ​സ് ഡ​യ​റ​ക്ട​റേ​റ്റി​നെ ഉ​ദ്ധ​രി​ച്ച്‌ ദേ​ശീ​യ മാദ്ധ്യ​മ​ങ്ങ​ളാ​ണ് ഇ​ക്കാ​ര്യം റി​പ്പോ​ര്‍​ട്ട് ചെ​യ്തി​രി​ക്കു​ന്ന​ത്.

ഉ​പ​ഭോ​ക്താ​ക്ക​ൾ ഫോ​ൺ വഴി ബു​ക്ക് ചെ​യ്താ​ൽ മ​ദ്യം വീ​ട്ടി​ലെ​ത്തി​ച്ചു ന​ൽ​കു​ന്ന​താ​ണു പു​തി​യ പ​ദ്ധ​തി. പൊ​ലീ​സ് സ്റ്റേ​ഷ​ൻ വ​ഴി റീ​ട്ടെ​യ്ൽ ക​ച്ച​വ​ട​ക്കാ​ർക്കു ഡെ​ലി​വ​റി ന​ട​ത്തു​ന്ന​തി​നു​ള്ള പാ​സ് ന​ല്‍​കും. രാ​വി​ലെ 11നും ​ഉ​ച്ച​യ്ക്ക് ര​ണ്ടി​നും ഇ​ട​യിൽ ഉ​പ​ഭോ​ക്താ​ക്ക​ൾ​ക്ക് മ​ദ്യ​ത്തി​നു​വേ​ണ്ടി ഷോ​പ്പു​ക​ളെ ബ​ന്ധ​പ്പെ​ടാം. ദി​വ​സേ​ന ര​ണ്ടി​നും വൈ​കു​ന്നേ​രം അ​ഞ്ചി​നും ഇ​ട​യി​ലാ​ണു മ​ദ്യം വി​ത​ര​ണം ചെ​യ്യു​ക. ഒ​രു ദി​വ​സം ഒ​രു മ​ദ്യ​വി​ല്​പന​ശാ​ല​യ്ക്കു മൂ​ന്നു ഡെ​ലി​വ​റി പാ​സു​ക​ൾ മാ​ത്ര​മേ അ​നു​വ​ദി​ക്കു​ക​യു​ള്ളൂ​വെ​ന്നും റി​പ്പോ​ർട്ടിൽ പ​റ​യു​ന്നു.

ലോ​ക്ഡൗ​ണ്‍ പ്ര​ഖ്യാ​പി​ച്ച​പ്പോ​ൾ ത​ന്നെ സം​സ്ഥാ​ന​ത്തെ ഭൂ​രി​ഭാ​ഗം മ​ദ്യ​ഷോ​പ്പു​ക​ളും അ​ട​ച്ചി​രു​ന്നു. വ്യാ​ജ​മ​ദ്യ വി​ല്‍​പ്പ​ന​ക്കു ത​ട​യി​ടാ​ന്‍ ഈ ​തീ​രു​മാ​ന​ത്തി​ന് ക​ഴി​യു​മെ​ന്ന് ഡ​യ​റ​ക്ട​റേ​റ്റ് വൃ​ത്ത​ങ്ങ​ൾ പ​റ​ഞ്ഞു.

നേരത്തെ കേരളത്തിലും സമാന നിലപാട് സർക്കാർ സ്വീകരിച്ചിരുന്നുവെങ്കിലും നടപ്പാക്കിയിരുന്നില്ല. ‌ഡോക്ടർമാരുടെ കുറിപ്പടിയുള്ളവർക്ക് മദ്യം ലഭ്യമാക്കണമെന്ന തീരുമാനവും കോടതി ഉത്തരവിനെതുടർന്ന് നിറുത്തിവച്ചിരുന്നു.