വാഷിംഗ്​ടൺ: അമേരിക്കയിൽ അതിവേഗം പടരുന്ന കൊവിഡ് ​- 19 വൈറസ്​ ബാധിച്ച് 11 ഇന്ത്യക്കാർ കൂടി മരിച്ചു. 16 ഇന്ത്യക്കാർക്ക്​ പുതിയതായി രോഗം സ്​ഥിരീകരിച്ചിട്ടുണ്ട്​. ന്യൂയോർക്ക്​, ന്യൂജേഴ്​സി മേഖലയിൽ നിന്നുള്ള 10 പേരും ​ഫ്ലോറിഡയിൽ നിന്നുള്ള ഒരാളുമാണ് മരിച്ചത്. ഇവരിൽ നാല്​ പേർ ന്യൂയോർക്ക്​ സിറ്റിയിലെ ടാക്സി ഡ്രൈവർമാരാണ്​. അമേരിക്കയിൽ ഏറ്റവും അധികം കൊവിഡ്​ ബാധിതരുള്ള ന്യൂയോർക്കിൽ 1,38, 000 രോഗികളുണ്ട്​. 6000 ഓളം ആളുകൾ മരിച്ചു. ന്യൂജേഴ്​സിയിൽ 48,000 പേർക്ക്​ രോഗം ബാധിച്ചു. 1500 പേർ മരിച്ചു. കൊവിഡ്​ സ്ഥിരീകരിച്ച 16 പേരിൽ നാല്​ സ്​ത്രീകളുണ്ട്. ഇവർ ഉത്തരാഖണ്ഡ്​, മഹാരാഷ്​ട്ര, കർണാടക, ഉത്തർപ്രദേശ്​ സ്വദേശികളാണെന്നാണ് വിവരം.