തിരുവനന്തപുരം: ലോക്ക് ഡൗണിന്റെ പശ്ചാത്തലത്തിൽ പൊതുനിരത്തുകളിൽ ജോലിചെയ്യുന്ന പൊലീസുകാരെ അണുവിമുക്തരാക്കാൻ മൊബൈൽ സാനിറ്റൈസേഷൻ ബസ് നിരത്തിലിറങ്ങി. ഇതിന്റെ ഉദ്ഘാടനം പൊലീസ് മേധാവി ലോക്നാഥ് ബെഹ്റ നിർവഹിച്ചു. എല്ലാ ജില്ലകളിലും പൊലീസുകാർക്കായി മൊബൈൽ യൂണിറ്റ് സജ്ജമാക്കുമെന്നും പൊലീസ് ഉദ്യോഗസ്ഥരുടെ ആരോഗ്യ സംരക്ഷണം ഉറപ്പാക്കാനാണ് ഈ സംവിധാനം ഏർപ്പെടുത്തിയതെന്നും ബെഹ്റ വ്യക്തമാക്കി.
പൊലീസുകാരെ വിന്യസിച്ചിരിക്കുന്ന എല്ലാ സ്ഥലങ്ങളിലും നിശ്ചിത ഇടവേളകളിൽ എത്തുന്ന ഈ ബസിൽ അണുനാശിനി തളിക്കാനുളള സംവിധാനമുണ്ട്. പിൻവാതിലിലൂടെ പ്രവേശിച്ച് ബസിനുളളിലൂടെ കടന്ന് മുന്നിൽ എത്തുമ്പോൾ പൂർണമായും അണുവിമുക്തമാക്കാൻ കഴിയുന്ന തരത്തിലാണ് പ്രവർത്തനം ക്രമീകരിച്ചിരിക്കുന്നത്.