ന്യൂയോർക്ക് ​: കൊവിഡിനെ തുടർന്ന്​​ ആഗോളതലത്തിൽ ദാരി​ദ്ര്യം വർദ്ധിക്കുമെന്നും 50 കോടി ജനങ്ങൾ പൂർണ ദരിദ്രരാകുമെന്നും യു.എൻ റിപ്പോർട്ട്. 30 വർഷത്തിന് ശേഷം ആദ്യമായാകും ലോകം ഇത്തരമൊരു അവസ്​ഥയിലേക്ക് വീഴുകയെന്നും യു.എൻ ഏജൻസി നടത്തിയ പഠനത്തിൽ പറയുന്നു.

നിലവിലെ ആരോഗ്യപ്രതിസന്ധിയെക്കാൾ കടുത്തതാകും സാമ്പത്തികമാന്ദ്യം. അടുത്തയാഴ്​ച നടക്കാനിരിക്കുന്ന ലോകബാങ്ക്​, അന്താരാഷ്​ട്ര നാണ്യനിധി പ്രതിനിധികളുടെയും ജി - 20 ധനകാര്യ മന്ത്രിമാരുടെയും സമ്മേളനത്തിന് മുന്നോടിയായാണ്​ റിപ്പോർട്ട്​ പുറത്തിറക്കിയത്​. ലണ്ടനിലെ കിങ്​സ്​ കോളജിലെയും ആസ്​ട്രേലിയൻ നാഷണൽ യൂണിവേഴ്​സിറ്റിയിലെയും വിദഗ്​ദ്ധരുടെ നേതൃത്വത്തിലായിരുന്നു പഠനം. അമേരിക്ക ഉൾപ്പടെയുള്ള രാജ്യങ്ങളിൽ തൊഴിൽ രഹിതരുടെ എണ്ണം വർദ്ധിക്കുന്നതായും റിപ്പോർട്ടിൽ പറയുന്നു.