ന്യൂയോർക്ക് : ലോകത്ത് കൊവിഡ് ബാധിച്ച് മരിച്ചവരുടെ എണ്ണം ഒരുലക്ഷം കടന്നു. പകുതിയിലേറെ മരണവും നാലു രാജ്യങ്ങളിലാണ്. ഇറ്റലിയിലും അമേരിക്കയിലും 15000ത്തിലേറെപേർ മരിച്ചു. സ്പെയിനിലും ഫ്രാൻസിലുമായി 10000ത്തിലേറെപ്പേരുമാണ് മരിച്ചത്. ഏറ്റവും പുതിയ വിവരമനുസരിച്ച് 1,​00,​156 പേരാണ് മരിച്ചത്. കഴിഞ്ഞ 30 ദിവസത്തിനുള്ളിൽ 95,​000 പേരാണ് മരിച്ചത്. ഇതിൽ കഴിഞ്ഞ പത്ത് ദിവസത്തിനുള്ളിൽ അരലക്ഷം പേരും മരിച്ചു.

ലോകത്താകെ രോഗബാധിതരുടെ എണ്ണം 16 ലക്ഷം കടന്നു. ഇതുവരെ 16,​39,​763 പേരാണ് രോഗബാധിതർ ഇറ്റലിയിലാണ് ഏറ്റവും കൂടുതൽ പേർ മരിച്ചത്. 18,​849 പേർ. അമേരിക്കയിൽ 17909 പേരും സ്പെയിനിൽ 15970 പേരും മരിച്ചു. ഫ്രാൻസിൽ 12210 പേരാണ് ഇതുവരെ മരിച്ചത്.