സിംഗ്രോലി: മദ്ധ്യപ്രദേശിൽ റിലയൻസിന്റെ കൽക്കരി വൈദ്യുത നിലയത്തിൽ വിഷ ദ്രാവകം ചോർന്നു. സമീപത്തെ കുളം തകർന്നുണ്ടായ കുത്തൊഴുക്കിൽപെട്ട് അഞ്ച് പേരെ കാണാതായി. ഭോപ്പാലിൽ നിന്ന് 680 കിലോമീറ്റർ അകലെ സിംഗ്രോലിയിലായിരുന്നു സംഭവം. വൈദ്യുതി നിലയത്തിൽ നിന്നുള്ള വിഷം ചേർന്ന വെള്ളം സൂക്ഷിക്കുന്ന കൃത്രിമ കുളം തകർന്നാണ് അപകടമുണ്ടായത്.കുളത്തിനു സമീപം താമസിക്കുന്ന അഞ്ചുപേർ ചെളിവെള്ളത്തിന്റെ കുത്തൊഴുക്കിൽ ഒഴുകിപ്പോവുകയായിരുന്നു.ഗ്രാമവാസികളെ രക്ഷപ്പെടുത്താനും വിളകളെ സംരക്ഷിക്കാനുള്ള ശ്രമവും നടത്തുന്നുണ്ട്.

ഒരു വർഷത്തിനിടെ 10 കൽക്കരി വൈദ്യുത നിലയങ്ങളുള്ള സിംഗ്രോലിയിൽ ഇത്തരത്തിലുള്ള മൂന്നാമത്തെ സംഭവമാണിത്. വിഷ റിലയൻസ് വൈദ്യുത നിലയത്തിന്റെ ഭാഗത്തു നിന്നുണ്ടായ വലിയ വീഴ്ചയാണിതെന്ന് സിംഗ്രോലി കളക്ടർ കെ.വി.എസ് ചൗധരി പറഞ്ഞു.

.