ലണ്ടൻ : കഴിഞ്ഞ ദിവസം കൊവിഡ് ബാധ സ്ഥിരീകരിച്ച ഇംഗ്ളീഷ് പ്രിമിയർ ലീഗ് ക്ളബ് ലിവർപൂളിന്റെ ഇതിഹാസ താരം കെന്നി ഡാഗ്ളിഷിനെ ആശുപത്രയിൽ നിന്ന് വീട്ടിലേക്ക് മാറ്റി. ഇപ്പോൾ വീട്ടിൽ നിരീക്ഷണത്തിലാണ് . സ്കോട്ട്ലാൻഡുകാരനായ ഡാഗ്ളിഷിന് 69 വയസുണ്ട്. ബാക്ടീരിയൽ ഇൻഫെക്ഷനെത്തുടർന്നാണ് ഇദ്ദേഹത്തെ ആശുപത്രിയിൽ പ്രവേശിപ്പിച്ചത്.കൊവിഡിന്റെ ലക്ഷണങ്ങൾ ഒന്നുമില്ലായിരുന്നുവെങ്കിലും പരിശോധനയിൽ പോസിറ്റീവ് ആവുകയായിരുന്നു.1977 മുതൽ 13 വർഷക്കാലം ലിവർപൂളിനായി കളിച്ച ഡാഗ്ളിഷ് രണ്ട് തവണ പരിശീലകനുമായിരുന്നു.