ന്യൂഡൽഹി : കൊവിഡും ലോക്ക്ഡൗണും കാരണം രാജ്യത്ത് ഉണ്ടാകാൻ പോകുന്ന ഗുരുതര സാമ്പത്തിക പ്രതിസന്ധി കണക്കിലെടുത്ത് 2024ലെ തിരഞ്ഞെടുപ്പ് റദ്ദാക്കണമെന്ന ആശയം മുന്നോട്ട് വച്ച് ബോളിവുഡ് നടി കങ്കണ റണൗട്ടിന്‍റെ സഹോദരിയും മാനേജരുമായ രംഗോലി ചന്ദേല്‍. പ്രധാനമന്ത്രിയായി മോദിക്ക് ഒരവസരം കൂടി നല്‍കണമെന്നും ട്വീറ്റില്‍ രംഗോലി ആവശ്യപ്പെട്ടു. ഒന്നോ രണ്ടോ വര്‍ഷത്തിനുള്ളില്‍ മോദിജി രാജ്യത്തെ സാമ്പത്തിക രംഗം വീണ്ടെടുക്കുമെന്ന് ഉറപ്പുണ്ട്. കോടിക്കണക്കിന് രൂപയാണ് തിരഞ്ഞെടുപ്പിന് വേണ്ടി ചെലവാക്കുന്നത്. രാജ്യമൊന്നിച്ച് നിന്ന് തിരഞ്ഞെടുപ്പ് വേണ്ടെന്ന് വച്ച് മോദിക്ക് തന്നെ അടുത്ത അവസരം നല്‍കണമെന്നാണ് രംഗോലി ചന്ദേലിന്‍റെ ട്വീറ്റ്.
We are going to face huge economy crisis, I am sure Modi ji will revive the economy in a year or two but we must remember we spend lakhs n lakhs of crores on elections we as a nation must dismiss 24 general elections and let Modi ji lead us for next term also 🙏
ട്വീറ്റ് വൈറല്‍ ആയതിനെതുടർന്ന് നിരവധിപ്പേര്‍ വിമർശനവുമാർി രംഗത്തെത്തി. ഇതിനെത്തുടർ‌ന്ന് രംഗോലി തന്റെ നിർദ്ദേശത്തിന് വിശദീകരണവും നല്‍കി. അസാധാരണ സാഹചര്യങ്ങളില്‍ അസാധാരണ തീരുമാനങ്ങള്‍ ആവശ്യമാണ്. രാജ്യമൊന്നിച്ച് നിന്ന് അത്തരമൊരു ചരിത്രപരമായ തീരുമാനമെടുക്കണം. തിരഞ്ഞെടുപ്പ് നടത്തി അനാവശ്യമായി വിഭവങ്ങള്‍ പാഴാക്കണ്ട ആവശ്യമുണ്ടോയെന്നും രംഗോലി ചോദിക്കുന്നു.
ഭ്രാന്തമായ ആരാധനയുടെ പുറത്ത് പ്രശസ്തി നേടാന്‍ വേണ്ടിയാണ് രംഗോലിയുടെ ഇത്തരം പ്രതികരണങ്ങള്‍ എന്നാണ് സോഷ്യൽ മീഡിയയിൽ വിമര്‍ശനങ്ങള്‍ ഉയരുന്നത്.
Unnecessarily we will waste huge resources and result we all anyway know but unusual times demand unusual resolutions , hope our nation comes together to take such a revolutionary step .... Jai Hind