കൊവിഡ് എന്ന മഹാമാരിക്കും ലോക്ക്ഡൗണിനും ഇടയിലാണ് ഇക്കുറി വിഷു കടന്നുവരുന്നത്.. . ലോകം നേരിടുന്ന പ്രതിസന്ധിയിൽ ആഘോഷങ്ങളൊഴിവാക്കി ആചാരമായാണ് ഇക്കുറി മലയാളിയുർെ വിഷു. ഇനിയുള്ള വർഷം ദുരിതങ്ങളും അസുഖങ്ങളും ഇല്ലാത്ത ഒരു ജീവിതത്തിലേക്ക് ഈ വിഷുപ്പുലരി നമ്മെ നയിക്കട്ടെ. ശുഭപ്രതീക്ഷയോടെ നമുക്ക് വിഷുക്കണി ദർശിക്കാം..

1195 ലെ മേട രവിസംക്രമം മീനം 31 (2020 ഏപ്രിൽ 13) തിങ്കളാഴ്‌ച രാത്രി 08 മണി 26 മിനിറ്റിനാണ്. സംക്രമം നടക്കുന്നത് സായാഹ്നത്തിനു ശേഷം ആയതിനാൽ മേടം 01 വരുന്നത് ഏപ്രിൽ 14 ചൊവ്വാഴ്ച്ചയാണ്. മേടമാസത്തിലെ ആദ്യ സൂര്യോദയം വരുന്ന അന്നു തന്നെയാണ് വിഷുക്കണി ദർശനം നടത്തേണ്ടതും

ആദിത്യബന്ധമില്ലാതെ കണിദർശനം പൂർണമാകില്ല. സൂര്യൻ ഉദയരാശിയിൽ സ്പർശിച്ച് രണ്ടു നാഴിക കഴിയുന്നതുവരെ വരെയുള്ള സമയം കണി കാണുന്നതിന് ഉത്തമമാണ്. ഈ വർഷത്തെ ഗ്രഹസ്ഥിതിയിൽ വ്യാഴം ഉദയരാശിക്ക് അനുകൂലമായി സഞ്ചരിക്കുന്നതും കൂടി പരിഗണിച്ചാൽ 14 ന് പുലർച്ചെ 05.54 മുതൽ 07.03 വരെയുള്ള സമയം ഭാരതത്തിൽ വിഷുക്കണി ദർശനത്തിന് ഉത്തമമാണ്.