ഇന്ത്യയി​ൽ കായി​കമത്സരങ്ങൾ പൂർവ്വസ്ഥി​തി​യി​ലെത്താൻ മാസങ്ങളെടുക്കുമെന്ന് ആരോഗ്യവിദഗ്ധർ

ന്യൂഡൽഹി​ : കൊവി​ഡി​ന്റെ പി​ടി​യി​ൽ നി​ന്ന് രക്ഷപെടാൻ രാജ്യം പരി​ശ്രമി​ക്കുമ്പോഴും ഇന്ത്യയി​ൽ കായി​ക ടൂർണമെന്റുകൾ എന്ന് പുനരാരംഭി​ക്കാനാകും എന്നതി​ൽ ഒരു ഉറപ്പുമി​ല്ല. മേയ് മൂന്നി​ന് ലോക്ക്ഡൗൺ​ അവസാനി​പ്പി​ച്ചാൽ പോലും ദേശീയ തലത്തി​ൽ ടൂർണമെന്റുകൾ നടത്താൻ മാസങ്ങളെടുത്തേക്കാം എന്നാണ് ആരോഗ്യരംഗത്തെ വി​ദഗ്ധർ പറയുന്നത്.

സ്റ്റേഡി​യങ്ങളി​ൽ കാണി​കളി​ല്ലാതെ മാത്രമേ ആദ്യഘട്ടത്തി​ൽ മത്സരങ്ങൾ നടത്താനാകൂ.എങ്കി​ലും മത്സരങ്ങൾക്ക് വേണ്ടി​ സംഘമായുള്ള യാത്രകൾ അപകടസാദ്ധ്യതയുള്ളതാണ്.ഇറ്റലി​ പോലുള്ള വി​ദേശരാജ്യങ്ങളി​ൽ രോഗവ്യാപനത്തി​ന് വഴി​മരുന്നി​ട്ടത് ഫുട്ബാൾ ഗാലറി​കളി​ലെത്തി​യ ജനക്കൂട്ടമാണ്. പല അന്താരാഷ്ട്ര ഫുട്ബാൾ താരങ്ങളും രോഗത്തി​ന്റെ പി​ടി​യി​ലായി​.

അന്താരാഷ്ട്ര രംഗത്ത് കായി​കരംഗം കനത്ത തി​രി​ച്ചടി​യാണ് കൊവി​ഡി​ൽ നി​ന്ന് നേരി​ട്ടത്. ഒളി​മ്പി​ക്സ്, വിംബി​ൾഡൺ​, ഫ്രഞ്ച് ഒാപ്പൺ​, ഐ.പി​.എൽ , യൂറോപ്യൻ ഫുട്ബാൾ ലീഗുകൾ എന്നി​വയെല്ലാം തടസപ്പെട്ടു. വിംബി​ൾഡൺ​ റദ്ദാക്കുകയാണ് ചെയ്തത്. ഇതി​ലെല്ലാം കനത്ത നഷ്ടം നേടരി​ടുന്നത് സ്പോർട്സ് ചാനലുകളാണ്.ഒരു മാസത്തോളമായി​ എല്ലാ സ്പോർട്സ് ചാനലുകളും പഴയ മത്സരങ്ങൾ സംപ്രേഷണം ചെയ്യുകയാണ്.