തി​രു​വ​ന​ന്ത​പു​രം: സി​ഗ്ന​ൽ അ​റ്റ​കു​റ്റ​പ്പ​ണി​ക്കാ​യെ​ത്തു​ന്ന ട്രെ​യി​നി​ൽ അ​ന​ധി​കൃ​ത​മാ​യി ചിലർ കേ​ര​ള​ത്തി​ലേക്ക് എത്തു​ന്നു​ണ്ടെ​ന്ന വിവരം ലഭിച്ചതായി മു​ഖ്യ​മ​ന്ത്രി പി​ണ​റാ​യി വി​ജ​യ​ൻ. ഇന്ന് വൈകിട്ട് നടന്ന കൊവിഡ് അവലോകന യോഗത്തിന് ശേഷമുള്ള വാർത്താ സമ്മേളനത്തിലൂടെയാണ് അദ്ദേഹം ഇക്കാര്യം അറിയിച്ചത്.

ഇ​ത്ത​ര​ത്തി​ൽ ട്രെയിനിലൂടെ തി​രു​വ​ന​ന്ത​പു​ര​ത്ത് എ​ത്തി​യ മൂ​ന്ന് ജീ​വ​ന​ക്കാ​രെ കൊവിഡ് നിരീക്ഷണത്തിൽ പ്രവേശിപ്പിച്ച വിവരവും അദ്ദേഹം പങ്കുവച്ചു. ഇ​ക്കാ​ര്യ​ത്തി​ൽ റെ​യി​ൽ​വേ പൊ​ലീ​സ് കൂ​ടു​ത​ൽ ജാഗ്രത പുലർത്തണമെന്നും മു​ഖ്യ​മ​ന്ത്രി നി​ർ​ദേ​ശി​ച്ചിട്ടുണ്ട്.

അതേസമയം, ഇന്ന് സംസ്ഥാനത്ത് ഒരാൾക്ക് മാത്രമാണ് കൊവിഡ് രോഗം സ്ഥിരീകരിച്ചത്. കണ്ണൂർ സ്വദേശിക്കാണ് സമ്പർക്കത്തിലൂടെ കൊവിഡ് രോഗം പകർന്നിരിക്കുന്നത്. ഏഴ് പേർക്ക് ഇന്ന് കൊവിഡ് പരിശോധനാ ഫലം നെഗറ്റീവായെന്നും മുഖ്യമന്ത്രി പറഞ്ഞു.

കാസർകോട്ട് നാലുപേർക്കും കോഴിക്കോട് രണ്ടുപേർക്കും കൊല്ലത്ത് ഒരാൾക്കുമാണ് രോഗം ഭേദമായിരിക്കുന്നത്. സംസ്ഥാനത്ത് കൊവിഡ് നിരീക്ഷണത്തിൽ കഴിയുന്നവരുടെ എണ്ണം കുത്തനെ കുറഞ്ഞതായും ഒരു ലക്ഷത്തിൽ താഴെ എത്തിയതായും മുഖ്യമന്ത്രി അറിയിച്ചു.