തിരുവനന്തപുരം: മലപ്പുറത്ത് മരിച്ച വീരാൻകുട്ടിക്ക് കൊവിഡ് ഭേദമായിരുന്നുവെന്ന് ആരോഗ്യമന്ത്രി കെ.കെ ശൈലജ. സംസ്കാരം കൊവിഡ് പ്രോട്ടോക്കോൾ പ്രകാരമായിരിക്കില്ലെന്നും എന്നാൽ മൃതദേഹം സംസ്‌കരിക്കുമ്പോൾ ആളുകൾ ഒത്തുകൂടരുതെന്നും മന്ത്രി പറഞ്ഞു.

കേരളത്തിലുടനീളം നല്ലൊരു അവസ്ഥയാണുള്ളതെന്നും കുറച്ച് നാൾ കൂടി എല്ലാവരും ശ്രദ്ധയോടെ ഇരിക്കണമെന്നും ആരോഗ്യമന്ത്രി അറിയി്ച്ചു. ദൈനംദിന ജീവിതത്തിലേക്ക് ജനങ്ങൾ നീങ്ങിയാൽ തന്നെ ആൾക്കൂട്ടങ്ങളുണ്ടാകാൻ പാടില്ല. കുറച്ച് ഇളവുകളുണ്ടെന്ന് കരുതി എല്ലാവരും കൂടിചേരലുകളിലേക്ക് പോകരുത്. അധികം വൈകാതെ കേന്ദ്രസർക്കാർ കുറച്ച് റാപ്പിഡ് ടെസ്റ്റ് കിറ്റുകൾ കൂടി സംസ്ഥാനത്തിന് നൽകുമെന്നും ആരോഗ്യമന്ത്രി കൂട്ടിചേർത്തു.