ഇസ്ളാമാബാദ്​: കൊവിഡ് വൈറസിനെതിരായ പോരാട്ടത്തിനായി പാകിസ്ഥാന്​ 8.4 ദശലക്ഷം ഡോളർ (64.26 കോടി)​ സഹായം പ്രഖ്യാപിച്ച്​ അമേരിക്ക. പാകിസ്ഥാനിലെ അമേരിക്കൻ അംബാസഡർ പോൾ ജോൺസാണ് ഇക്കാര്യം അറിയിച്ചത്. പാക്കിസ്ഥാനിലെ പ്രധാന ആവശ്യങ്ങൾക്കായി ഈ തുക ചെലവഴിക്കുമെന്നും അദ്ദേഹം കൂട്ടിച്ചേർത്തു.

പാകിസ്ഥാനിലെ കൊവിഡ്​ വൈറസ് ഹോട്ട്‌സ്‌പോട്ടുകളിൽ മൂന്ന് പുതിയ മൊബൈൽ ലാബുകൾ ആരംഭിക്കുന്നതിന് മൊത്തം തുകയിൽ നിന്ന് ഏകദേശം മൂന്ന്​ ദശലക്ഷം യു.എസ് ഡോളർ ഉപയോഗിക്കും. ആരോഗ്യപ്രവർത്തകർക്ക്​ പരിശീലനം നൽകുന്നതിനും അതിലൂടെ ആശുപത്രികളുടെ ഭാരം കുറക്കുന്നതിനും സംഭാവന ഉപയോഗപ്പെടുത്തും. പാകിസ്ഥാനിൽ ആകെ കൊവിഡ് രോഗികൾ 7,47. 143 പേർ മരിച്ചു​. അന്താരാഷ്​ട്ര നാണ്യനിധിയിൽ നിന്നും 1.3 ബില്യൺ ഡോളർ അടിയന്തര ധനസഹായമായി പാകിസ്ഥാന് നേരത്തെ അനുവദിച്ചിരുന്നു.