പെരിങ്ങോട്ടുകര: അന്തരിച്ച ബി.ഡി.ജെ.എസ് സംസ്ഥാന ജനറൽ സെക്രട്ടറി ടി.വി. ബാബുവിന്റെ കുടുംബത്തിന് എസ്.എൻ.ഡി.പി യോഗം ജനറൽ സെക്രട്ടറി വെള്ളാപ്പള്ളി നടേശൻ ധനസഹായമായി ഒരു ലക്ഷം രൂപ കൈമാറി. മരണാനന്തര ആവശ്യങ്ങൾക്കും ഭാര്യ മാലതിയുടെ അടിയന്തര ചികിത്സയ്ക്കുമായാണ് സഹായം നൽകിയത്.

വെള്ളാപ്പള്ളിക്കു വേണ്ടി യോഗം കൗൺസിലർ പി.കെ. പ്രസന്നൻ, വനിതാസംഘം സെക്രട്ടറി അഡ്വ. സംഗീത വിശ്വനാഥൻ എന്നിവർ പഴുവിലിലെ ബാബുവിന്റെ വീട്ടിലെത്തി ഭാര്യ മാലതി ബാബുവിന് തുക നൽകി. പെരിങ്ങോട്ടുകര യൂണിയൻ പ്രസിഡന്റ് സൂര്യപ്രമുഖൻ തൈവളപ്പിൽ, ബി.ഡി.ജെ.എസ് ജില്ലാ പ്രസിഡന്റ് സി.ഡി. ശ്രീലാൽ, പി.ആർ. ഷാജു, ലോജനൻ അമ്പാട്ട്, സി.എ. ശിവൻ, സഞ്ചു പള്ളിപ്പുറം, അനി, ഉദയൻ എന്നിവർ സംബന്ധിച്ചു.

കാപ്

അന്തരിച്ച ബി.ഡി.ജെ.എസ് ജനറൽ സെക്രട്ടറി ടി.വി. ബാബുവിന്റെ ഭാര്യ മാലതി ബാബുവിന് വെള്ളാപ്പള്ളി നടേശന്റെ ധനസഹായം പി.കെ. പ്രസന്നനും സംഗീത വിശ്വനാഥനും ചേർന്ന് കൈമാറുന്നു.