ചെന്നൈ: ചെന്നൈ തുറമുഖത്തുനിന്ന് കൊൽക്കത്തയിലേക്ക് മരുന്നുമായി പോയ കണ്ടെയ്നർ ട്രക്ക് ഇന്നോർ എക്‌സ് പ്രസ് ഹൈവേയിൽ മറിഞ്ഞു. കടയനല്ലൂർ സ്വദേശിയായ ഡ്രൈവർ എസ് പാണ്ഡി കണ്ണന് (36) നിസാര പരിക്കേറ്റു. രാവിലെ ഒൻപതിനായിരുന്നു അപകടം. ട്രക്ക് അമിത വേഗത്തിലായിരുന്നുവെന്ന് ദൃക്‌സാക്ഷികൾ പറയുന്നു.
നിയന്ത്രണം വിട്ട് മറിയുന്നതിന് മുമ്പ് ഡ്രൈവർ കാബിനും കണ്ടെയ്നർ ഭാഗവുമായുള്ള ബന്ധം വിട്ടു. തുടർന്നാണ് ട്രക്ക് മറിഞ്ഞത്. ഫോം -13 ചെക്ക്‌പോസ്റ്റിലുണ്ടായിരുന്ന ട്രാഫിക് എൻഫോഴ്‌സ്‌മെന്റ് വിംഗ് ഇൻസ്‌പെക്ടർ സോബിദാസും സംഘവും സ്ഥലത്തെത്തി ഡ്രൈവറെ രക്ഷപ്പെടുത്തി. സമീപത്തെ സ്വകാര്യ ആശുപത്രിയിൽ പ്രവേശിപ്പിച്ചു. മാധവരം ട്രാഫിക് ഇൻവെസ്റ്റിഗേഷൻ വിഭാഗം കേസ് രജിസ്റ്റർ ചെയ്തു.